-Република Македонија деновиве беше домаќин на историски значаен самит на членовите на најголемата хуманитарна организација во Светот, која за прв пат во стогодишната традиција на лајонизмот ја предводи жена, ислаѓанката Гудрун Ингвадотир. На Европскиот форум во Скопје учествуваа над 900 лајонси од континентот, но и од САД, Јужна Кореја, Индија, Либан и други држави од сите меридијани со кои дебатиравме за меѓународната соработка на лајонсите од Европа со лајонсите од Азија и Африка, соработката на лајонсите со Обединетите Нации, програми за грижа за младите, правилно насочување и развој, а беше промовирана и идејата за отворање на тренинг центар за кучиња водичи за слепи лица во Република Македонија, по примерот на Швајцарија. Искрено, големо е задоволството што е препознаен мојот ангажман, креативност и придонес во лајонизмот, изјави за АПЛА, Марјан Танушевски, кој на Лајонс Европа Форум во Скопје раководеше со поткомитетот за односи со јавност и информации во државата и странство..

65-от Европски форум на лајонсите ќе се одржи во Талин, главниот град на Естонија.