Детскиот хор „Македонски ѕвончиња“, кој работи под раководство на  Марина Коруновска,  денеска премиерно на јутјуб  го објави новиот проект, исклучителна изведба на песната „Македонија“. 

 Станува збор за познатиот хит на групата Тајм и Дадо Топиќ, односно култната преработка на македонската група „Меморија“  со која беше одбележан еден од најважните моменти во македонската историја. Оваа песна одекна од бината на плоштадот во Скопје на 8 септември 1991 година  години, ноќта кога беше прогласена независноста на Македонија. Присутните во еден глас со групата „Меморија“   ја пееја песната и стиховите „Кога си сам и тажно е се, на неа ти сети се, Македонија ти нуди љубов и се“ во очекување на резултатите од рефернедумот, по што беше прогласена  независна и суверена Македонија.
 
Триесет години подоцна, „Македонските Ѕвончиња“, повторно со многу емоции ја промовираа нивната изведба онлајн. 
 

Битолската џез пејачка Стефанија Милевска сними нова песна „Еј ти, слушај“ (Hey You, Listen) и документарен филм, кои беа промовирани вчера, а имаат за цел да ги срушат бариерите и предрасудите што постојат во општествената заедница за лицата со попреченост. Песната и документарниот филм се посветени на нејзиниот прерано починат брат, кој беше болен од целебрална парализа, и на сите лица со попреченост. Таа сними и спот за песната, во кој учествуваат лица со различен вид попреченост од Битола, Скопје и Белград, како и танчари, пејачи и изведувачи од Анастасија центар-Битола.

Преку песната „Г.И З.“ што е кратенка од подолгиот наслов „Груевски и Заев“ младиот пејач Дарио Јоцковиќ-Шабац испрати порака против опседнатоста на луѓето со бистрење политика. Во песната што Шабац самиот ја напишал, а аранжманот е на Мими Марковски („Гимел Студио“), тој пее „Груевски и Заев само една иста тема, страв и параноја името ќе ни го менат, а јужниот сосед го мразиме до коска, но во лето на море сите по една фотка“.

Со тапани и зурли, денеска напладне беа пречекани гласачите, кои гласаа на двете изборачки места во битолскиот Музеј. Музиката се слушаше  се до Широк Сокак, а свирачите  велат дека овој пат не свират само за турските турсти кои доаѓаат во посета на Музејот , туку и за гласачите,  со песна да им помине гласањето.

Страница 1 од 2

Login to your account

Username *
Password *
Remember Me
© 2021 АПЛА.мк. Сите права се задржани