Во последно време се почесто се зборува за личниот развој. Некои од луѓето свесно одлучуваат да чекорат по тој пат, додека другиот дел сметаат дека тоа не е толку атрактивно. Но, секој кој што се охрабрил да се сретне себеси низ личниот развој се пресретнал со сопствените обрасци на однесување кои најчесто се наследени.

Процесот започнува со внимателна анализа на својот живот, факторите кои влијаеле на развојот на личноста, интроспекција на сопствените реакции во различни ситуации.

За личниот развој понекогаш се вели дека е болен процес, затоа што низ тој процес се освестуваат и наследени обрасци на однесување кои најчесто доаѓаат од родителите или најблиските, а се на несвесно ниво и не ни користат. Одредена реакција од родителите најчесто е копирана и истата иницира одредено однесување. Проблемот настанува кога освестувањето води кон обрасци кои манифестираат однесување, кое на личноста не му е корисно. Тоа ја намалува вредноста, предизвикува лавина емоции, а се случува на несвесно ниво. Личноста можеби не го сака тоа свое однесување, но затоа пак не може ни да претпостави каде е причината за истото. Обично вината ја префрла на постапка на некого друг.

Најчесто личноста не ја учи лекцијата, па додека тоа не го освести и не знае дека одреден образец кој го наследила може да се менува, истиот ќе предизвика повеќе штета, намеесто да даде корисеност. Процесот понатаму продолжува низ анализа на клучни, значајни влијанија кои формирале одредено искуство и освестување на контекстот на случување, поминувајќи низ семејните навики, мислењата, уверувања на најзначајните личности во животот на индивидуата. И тука најчесто се задржуваме на детството. Затоа е многу важно да се работи со своето ватрешно дете, да се освестува што и од каде доаѓа, да се стави акцент на уверувањата и од каде потекнуваат, да се склопат сите детали на програми кои не водат и да се тргне кон освестување на тоа каква личност сака некој да постане.

Клучно е да се разбере дека оние кои не воспитувале имале најдобра намера и во најлошите постапки и околности, но и нив некој ги воспитувал, и тие имаат свои програми и обрасци. Најчесто се се пренесува несвесно, но ние сме задолжени да низ личниот развој ја подигнеме таа свесност и промениме она што може да се промени во насока на личноста која сакаме да станеме. Има и толку многу обрасци кои се корисни. За нив треба да станеме благодарни. Повеќето од луѓето не се впуштаат низ овој процес, поради тоа што детето во нив им покажува дека авторитетот е во право....

На крај може да решите дека ништо нема да менувате, ништо не сакате да анализирате, уште помалку да освестувате. И, тоа е во ред... Она што треба да го научиме во овој контекст, а имаме образец кој не ни користи, ни нам, ни на околината, посебно за најблиските е тоа дека: Никој не е виновен, ама секој е одговорен во својот живот! Пишува: м-р Билјана Галовска, предавач на Бизнис Академија Смилевски, НЛП тренер & коуч, асистент на НЛП институт Славица Сквајер Белград,

инфо:Оваа е-адреса е заштитена од спамботови. Треба да ви е овозможено JavaScript за да ја видите.

Ноември месец 2018 , ден пред стемнување. Денот и ноќта се мешаа, како што понекогаш се миксира и нашиот животот, без наше барање. Со самото влегување во просторијата за коучинг, таа стана дел и од мојот. Седнува наспроти мене, личноста со широко отворени очи. Кога ќе поставам навидум непријатно прашање (додека меѓусебната комуникација ни кажува дека не е време да се отвори темата, која и двете знаеме дека стои како сенка во позадина) таа кажува нешто неважно. Има потреба да стекне доверба, да проговори, а сака искреност. ,,Додека губиме време,, и анализираме кои сме, чувствувам дека нема да е лесно она што ќе го каже. Немаш решение, а немаш одговор. Во суштина коучингот има прашања, кои генерираат ваши одговори, а насетувам дека очекува решение преку мојот одговор. А, тој го немам, не јас! Не, на начин каков што го замислуваше!

Се провлече тешка енергија низ просторијата. Тежеше и воздухот од нејзините усни: ,,Ме малтретира - проговори, и продолжи – размилував колку ќе биде лесно ако не постојам, одев и на психијатар”. Неколку минути владееше мртва тишина.

Прашав : ,,Имаш ли ти свои граници,,?

Х: ,,Немам,,!

Јас: ,,Кога би имала, која е твојата крајна граница,,?

Х: ,,Ја немам, не постои,,

Не беше нерешлив случај, таков нема. Денес веќе не е случај, но беше тежок нејзиниот ментален образец во кој целосно беше заглавена. Некогаш не постојат инстант решенија, затоа што и проблемите не настануваат инстант. Понекогаш многу брзо учиме, а тоа е случај само кога силно сакаме да си помогнеме себеси.

Затоа немојте да посакувате да сте во чевлите на некој друг, некоја паметна, интелегентна, средена, убава жена, вредна и толерантна, спремна да му помогне на секој, затоа што не знаете кој терет човек со себе го влече. Понкогаш не знаеме кои се нашите граници, но ако веруваме полека ќе се појават.

Поминуваат скоро две години од таа средба, кога ја зеде одговорноста за сопствениот живот во свои раце. Сеуште сме во контакт. Излегувајќи од образецот на жртва таа дозволи универзумот да ја одвои од партнерот и тоа безболно. Ако кажеме дека е слободна како птица ќе згрешиме. Сеуште е повредена и чекори низ тие калливи дупки, но се сака себеси, својот живот, децата, природата, работата и најважно од се си дозволи да биде своја со свои граници, кои ги почитува.

Ова е дел од нејзиното искуство кое ме замоли да ви го пренесам. Сега за себе знае дека не сака да ги оживува билките кои се веќе мртви, ама вели дека е таа во оние кои расцветуваат. И верувам, и тоа од првиот момент кога зачекори кај мене. Понекогаш верувањето е единственото нешто кое ни е потребно, за се друго сме способни сами.

Пишува: Билјана Галовска, НЛП тренер и професионален коуч

 

Повеќето од нас живеат во илузија дека се треба да биде добро, животот треба да е само уживање во кој се ќе тече “подмачкано”. Во суштина ние живееме во дуален свет, во свет на плус и минус, во страдање, но и љубов, во благосостојба, но и болка, во здравје но и болест, во војна и мир.

Секогаш кога се издигнуваме на пиедестал, некоj или нешто не турка надолу. Tогаш учиме и градиме мудрост дека двете страни се присутни еднакво и истовремено се појавуваат. И не случајно е тоа така затоа што секој од нас живее во двојност. Од таа двојност секогаш се добива искуство, а тоа има за цел еволуција на душата.

Интензивно сме насочени на себе и никој не размислува за нас онолку колку ние за самите себе. И кога размислуваме за другите луѓе, ние размислуваме пред се за себе. Не постои некој што повеќе ќе не критикува и фали колку ние сами себеси.

Кога некоја личност на нас реагира на одреден начин, тоа треба да не поттикне да го откриеме делот во нас, кој го рефлектира потсвесниот однос кој ние го имаме со самите себе. Луѓето не не прават жртва, туку го откриваат специфичниот однос кој сме го изградиле со себе. Тие се однесуваат према Вас точно онака како што Вие се однесувате према самите себе. Тој несвесен образец се отсликува во однесувањето на другите кон Вас. Тој е огледало на вашето внатрешно однесување.

Ако тргнете од вашите емоции, го анализирате вашиот внатрешен дијалог, постанете свесни за своите уверувања, ќе имате моќ да го трансформирате односот со себе, а потоа да се променат односите од кои не сте задоволни. Во случаен разговор една девојка ми вели : -,,Во последниов период јас не можам до крај да завршам одредена значајна работа, дури и да испијам терапија која ми е препишана од лекар”. Ја прашав -“Постои ли нешто во твојот живот кое може да ја промени својата форма, а тебе некако не ти одговара”? - “Па, не знам”- ми одговори - “Постои ли нешто кое ти не сакаш да го направиш, а некако само се наметнува”? - “Ако размислам подобро да, имам долга врска, моите мислат дека треба да се омажам, а и неговите му го велат тоа, но тоа не е во моите планови сега” -“Незавршувањето на работата која е важна е само одраз на тоа дека ти се воздржуваш да се обврзеш на подолго време” Се што ние во нас длабоко чувствуваме за себе, се рефлектира на она што го живееме и на тоа каков однос имаме со другите луѓе.

Постанувајќи свесен за постоењето на добрите страни во “лошиот” однос можеме да научиме повеќе за себе, поинаку да ги согледаме другите луѓе и полесно да комуницираме, дури и да осознаеме дека кога некој на одреден начин реагира на нас, тој само го отсликува присутниот дел во нас. Кога несвесното стапува на свесната сцена,следува работата. Може да се каже дека не е едноставно, потребно е време, свесност, трпеливост и верба,понекогаш поддршка низ тој процес од трето лице, но добиената вредност е правопропорционално на се што ќе експлоатираме низ тој процес.  

Пишува: м-р Билјана Галовска, НЛП тренер и професионален коуч, предавач на Бизнис Академија Смилевски Битола, Оваа е-адреса е заштитена од спамботови. Треба да ви е овозможено JavaScript за да ја видите.

 

Некои луѓе се иритираат кога ќе слушнат лаги, други се навредени, трети веднаш прекинуваат одредени односи, а четврти како да имаат завеса пред очите веруваат на се што ќе слушнат. Дали лагата има голема врска со нас или не, што таа значи и како влијае на нас? Постојат две врсти или видови лаги: првите се оние “не толку опасни”, а вторите се оние “разорно влијателни”. Овие два поими кои тука ги сретнувате се субјективни определби за визуелна претстава.

Имено по дефиниција лагата е исказ што не е вистинит или намерно искривување на вистината. Добро е да се знае дека и во двата видови лагата нема директна врска со соговорникот, таа има врска со оној кој ја кажува. Како? Така што лагата е само обид во кој тој што ја кажува сака да избегне нешто, да добие нешто или обид да се стави во позиција. Не толку опасните лаги се таканаречени бели лаги кои се кажуваат ради реда, како на пример дали ми стои добро фустанот или дали фризурата ми е добра??? Да, да одлично ти стои! (нема врска J) Сите знаеме дека изразот на лицето покажува потполна неусогласеност, но одиме понатаму. И, тие не се толку опасни затоа што пак немаат врска со Вас, туку со соговорникот на кој му е непријатно и од култура можеби кажува нешто што не мисли. Исто така ако не чувствувате припадност на групата, лагата често се користи како средство да се приближите кон членовите кои во неа припаѓаат, па за да припаѓате ќе излажете дека нешто што не ви се допаѓа - ви се допаѓа, а вам ви е средство да стигнете до целта. Има тука безброј варијации кажани од типот на тоа како ние преку нашите сетила го доживуваме светот, па понекогаш различната перцепција и нејзината вербализација за некого станува лага, затоа што не се вклопува во нечии модел на светот.

Вториот вид се лаги таканаречени разорни за себе, а тоа е лага која ја потврдувате како вистина. Само како пример - вистинска лага кога ќе го ,,фатите,, партнерот како ве изневерува на дело. И тоа е карикирам ситуација од која Вие навистина излегувате повредени, во која некој ве прави ,,будала,, и се распаѓаат темелите наречени доверба на некоја врска. Ок! Да резимираме,Вие таа вистинска лага дозволувате да ве разорува затоа што ја земате лично. Се поставува прашањето, а како може такво нешто да не земам лично? Така што ќе дознаете дека никој никогаш не лаже поради Вас. Лаже поради себе, за да оствари и земе за себе. Не велам дека треба да продолжите со некого кој постојано ве лаже, туку сакам да кажам дека неговата лага нема никаква директна врска со Вас. Лагата ја користи како заштита.

Имено таквиот образец на неискрено однесување или сличен на него ќе остане во личноста и кога Вие нема да сте во неговиот живот. Бидете среќни ако тоа не е ваш образец, затоа што разорните лаги се прават со добра намера и се верува дека се вистина за делата да бидат оправдани, наоѓајќи совршен изговор зошто нешто се случува. Лагата се прави или се кажува. И едно и друго има своја тежина, но важно е да сфатиме дека нечија лага нема директна врска со нас, туку со личноста која ја кажува или прави.

Постои една приказна која кажува дека Вистината ги соблекла своите алишта и влегла да ужива во блиската река. Тука поминала лагата и ги облекла алиштата на вистината, па почнала да шета низ светот.Затоа вистината останала гола. Но, голата вистина никогаш не се заборава. Затоа држете се до неа J

Пишува м-р Билјана Галовска, професионален коуч и НЛП тренер, предавач на БАС

Вие не сте вашето минато, Вие не сте она што ви се случило, Вие не сте вашето однесување, Вие не сте вашите порази и триумфи. Вие сте она што сте одлучиле да бидете сега!

Често среќавам луѓе, кои се заглавиле некаде во нешто што припаѓа на минатото. Тоа се случува најчесто кога не можеме да прифатиме нешто од него, нешто кое не ни е јасно, нешто кое се случило или најчесто нешто од кое излегуваме повредени, па тоа директно или индиректно зависело од нас. Така ден за ден, ставајќи го фокусот на тоа, тој дел станува секојдневие преку нашите мисли и минатото станува актуелна сегашност. Наместо минато, на кое треба да му го покажеме местото на кое припаѓа на нашата временска линија, ние стануваме ,,главни виновници,, кои го продолжуваат животот кој не постои, а толку е присутен. Како поминува времето, колку повеќе сакаме да се ослободиме од него, толку тоа станува поприсутно. Ако за некого зборуваме секојдневно, за нешто размислуваме секојдневно, а поминало, корисно е да си го поставиме прашањето: Дали можем тоа да го променам сега? Ако не можеме треба да прифатиме дека се што поминало, така требало и да биде. Се е за наше добро.

Чарли Чаплин во една прилика кажал шега на која сите се смееле, ја кажал истата шега и по втор пат, па се смееле неколкумина, веќе третиот пат никој на тоа не се смеел, па Чаплин им рекол ,,ако не се смеете на иста шега секогаш кога ќе ја слушнете, тогаш зошто се грижите секој ден за истите работи,,?

Вие сте тие што му давате сила и моќ на нешто што не постои. Вие сте тие што можете да го прочистите сегашниот момент од нешто што завршило некаде таму, а влијае на него. Реално многу малку простор се одвојува за сегашноста, затоа што фокусот ни е на она што било или што ќе биде, па го пропуштаме сегашниот момент, оптоварен само со нешто кое постои во нашиот ум. И да постои сегашоста, таа е контаминирана со се она што не припаѓа таму. Корисно е да размислите што моментално постои во вашиот живот, а што веќе е минато. Ако сегашноста е контаминирана од минатото кое Вие преку вашите мисли го реанимирате секој ден, време е да го сфатите тоа, да отпуштите и да го ставите на вашата временска линија хронолошки на местото на кое припаѓа. Знаете дека е тука, но ја користите само лекцијата од него. Прочистете ја сегашноста од настани кои не припаѓаат таму, од нешто кое се случило или треба да се случи. Потоа помислете што навистина постои, сега ? И, така уживајте во неа, “олеснета” од нешто кое било или треба да биде.

Ако постои нешто кое не можете да го простите, треба да знаете дека има начин. Прогресивните сесии за менување на фокус и простување ви стојат на располагање, а секој од Вас пред да се одлучи за коучинг процесот има можност за инфо разговор.

Пишува: м-р Билјана Галовска, професионален коуч и НЛП тренер, предавач на Бизнис Академија Смилевски во областа на организациско однесување и комуникации. Инфо Оваа е-адреса е заштитена од спамботови. Треба да ви е овозможено JavaScript за да ја видите.

 

(Ставовите изнесени во колумните не се ставови на редакцијата на Апла.мк. Затоа Апла.мк не сноси одоговорност за содржината на истите)

Страница 1 од 8

Login to your account

Username *
Password *
Remember Me
© 2021 АПЛА.мк. Сите права се задржани