Треба да имате доблест и да им се извините на граѓаните за финансискиот колпас во битолското образвание. Училиштата имаа долгови од 4,4 милиони евра која ги плати оваа власт, му рече советниката Емилија Костурска на Ивванчо Тошевски од ВМРО-ДПМНЕ, која на денешната седница на Советото на Општина Битола, предложи со пари од Буџетот на Општина Битола да се набават електронски помагала за 11 илјади ученици во основните и средните битолски училишта

Советникот од Поинаку Иван Чулакоски на последната седница на Совет побара да се санира проблемот на улицата „Васко Карангелевски“, велејќи од говорница дека таму „во 21 век извираат лајна“ и „посовреме треба да се реагира дури не се испокакаме сите“.     

Математичко-статистичките анализи на универзитетскиот професор д-р Дејан Трајковски, покажуваат дека деновиве опаѓа бројот на новозаболени од КОВИД-19 во земјава, а опаѓа и просечната вредност на факторот на преносливост на вирусот. Еве ја неговата денешна анализа

Специјалистот по интерна медицина доктор Кире Доновски од Болницата во Отешево, кој пред неколку недели работеше и во ГОБ „8 Септември“, деновиве со планот за ротација помага и во Ковид одделот при Клиничка болница во Битола. Тој на својот фејсбук профил им се заблагодари на колегите од Болницата за колегијалноста, приемот и целокупната соработка во борбата со ковид 19 пандемијата. Но, упати јавна критика кон младите зашто не се придржуваат кон мерките за заштита од болеста. 

Шефот на Делегацијата на Европската Унија, Самуел Жбогар, заедно со градоначалничката на Општина Битола, Наташа Петровска и министерот за локална самоуправа Горан Милески, денес извршија посета на градежните активности кои се во тек во Офицерскиот дом.

Градоначалничката Петровска, го информираше амбасадорот Жбогар, дека имајќи ги предвид сите околности во кои се одвива реконструкцијата, а кои се поврзани со состојбата со корона вирусот во светот, задоволна е од динамиката со која се реконструира овој објект од големо културно – историско значење за Битола.

„Македонија ќе биде успешен пример во елиминацијата на вирусните хепатити гладејќи партнерство во сузбивањето на болеста со експертската заедница и во соработка со цивилното општество“, рече обраќајќи се преку интернет врска регионалниот директор на СЗО за Европа, Ханс Клуге. Неговото обраќање е продолжеток на конференцијата што вечера на Светскиот ден за борба против хепатитот се одржа преку интернет врска меѓу многу здравствени експери во светот, а во организација на Хепар Центраот од Битола.

„Република Северна Македонија ќе биде одличен пример за многу земји во различни региони применувајќи иновативни решенија за лекување на ХИВ и третман на хепатитите. Новата програма за вакција протиов хепатит Б има постигнато резултат на 95 процентна заштита. Тоа е сигурна заштита на идните генерации од хепатит Б и компликациите од него од цироза и рак“, рече Клуге, поздравјувајќи ги здравствените власти во земјава и министерот Венко Филипче за издвоениот буџет за набавка на нови лекови за третман на хепатитот Ц.

Вчера на меѓународната конференицја на која се обратија екперти од повеќе делови на светот и земјава беше отпочната кампањата за рано тестирање, лекување, вакцинирање против хепатитис. Беше кажано дека повеќе тестирање, вакцинација и лекување спасуваат животи и ги намалуваат ризиците од рак и цироза за генерациите што доаѓаат. Хепатитис Ц со новите терапии може да лекува во рок од 12 недели.

Министерството за здравство обезбеди буџет и набави одредена количина на најнова иновативна терапија за пацинетите со хепатит Ц, соопштија од Хепар центaрот од Битола на денешната прес конференција по повод Светскиот ден за борба против хепатитот.

Спроведувањето на прекуграничните проекти одеше отежнато поради пандемијата со ковид-19, а особено во периодот на карантини, рече министерот за локална самоуправа Горан Милевски.

Битолскиот етнолог Кирил Танчевски, еден од столбовите на „Илинденски денови“, сега покоен, во 2011 година за време на Фестивалот имаше изјавено дека пред 20 години во Институтот за фолклор оставил 7 илјади метри снимена лента со изворно народно македонско творештво. Тогаш се пожали дека материјалот не беше обработен. Се работеше за снимени приказни, народни поговорики, досетки, песни и друго усно творештво снимено од сите делови на државата, кое низ годините исчезнало и скоро е невозможно да се чуе и евидентира денес низ македеонските села. Со ваквиот пристап, како што рече Танчевски, се осиромашуваше народното културно добро во земјава.