На настанот гостуваше Боби Поповски, композиторот на легендарниот битолски евергрин „Пусти мерак Ратке“ кој извесно време живее во Австралија.  Во придружба на татко му Никола Поповски и бендот „Калабалак“ заедно ја изведоа песната пред публиката што беше прифатено со воодушевување и наградено со аплаузи. Поповски ја изненади публиката изведувајќи ја и неговата најнова песна „Што ти згрешив Битола“ во која е опеан печалбарскиот копнеж по родниот град.

На манифестацијата „Икс бенд“ ја изведе и другата битолска Ратка, поточно „Ратка Маџинка’’ од Валентин Соклевски, која е исто така битолски евергрин

Вечерта започна духовито со мајтап песни во Битола кои го содржат специфилниот битолски хумор на умешен начин вткаен во текстовите и рефрените што ги прави незаборавни. Фестивалската вечер ја отвори живата битолска легенда Велчо Петровски- Папал, кој беше најавен дека е препознатлив во Битола не само по неговиот шмекерлук туку и по точачето. Па, следствено на ова тој го испеа и неговиот хит „Терам низ град старо точаче“.

Потоа следуваа популарните „Имам куќа на Пелистер“ на Јонче Христовски и песната на „Боеми“- „Кога сум со сопругата“ во изведба на „Калабалак“.

Вечерта со песни за Битола настапија и прекрасната битолска вокална интерпретаторка на песни Билјана Дамјановска, пејачот со кадифен глас Сефедин Бајрамов и талентираниот Бојан Стојков.

Авторор и продуцент на „Незаборав“ е битолчанецот Панде Димитровски.