Суспендиран од работа е екс секретарот на Општина Битола, а сега  раководител на Секторот за финансии, Слободан Бончановски, еден од обвинетите во случаите „Транспортер 1 и 2“.

„Среќни, задоволни, видовте, разбравте“, со овие зборови им се обрати на новинарите, екс градоначалникот на Битола, Владимир Талески, по одлагањето на судскиот процес во кој е обвинет за недоволна грижа за Офицерскиот дом.

И денешното рочиште во Основниот суд во Битола беше одложено зашто бранителот на Талески според Законот за кривична постапка побара рочиштето да биде тонски снимено, а во судницата немаше улови за тоа. Неговиот адвокат Драѓи Пажиќ, кој го застапува и во обвинението за „Транспортер“, изјави дека доколку расправата почне без снимање ќе се жалат до Судот за човекови права во Стразбур.

Половина милион евра следната година општина Битола ќе издвои за спортот, што е рекордна сума  во планирани средства од Буџетот, рече претсдателот на Советот, Валентин Груевски. Исто  така следната година ќе се издвојат 1,3 милиони евра за стадионот во Битола.

„Транспортер2“  е кодното име на новата истрага на Специјалното јавно обвинителство,  кое е продолжение на незаконските дејствија со превозот на ученици во Битола, обајви СЈО на прес конференција поладнево.  Истрагата се води против десет  осмничени лица, меѓу кои повторно е поранешниот градоначалник Владимир Талески, поранешниот секретар  на Општината, Слободан Бончановски, пет  превозници кои што се веќе опфатени во обвинението за предметот„ Транспортер“, а во оваа истрага вклучени се и тројца поранешни директори на  училишта кои не беа опфатени со претходниот предмет. 

Следната година од буџетот на Општина Битола, најмногу пари се предвидени за  проектот за гасификација, за реконструкција на Офицерскиот дом,за реконструкција на  фудбалскиот стадион под Тумбе Кафе. Истот така предвидени се средства за инфраструктура во населбата во битолската Касарна, како и целосна реконструкција на неколку улици.

Три знамиња раширија  пред советничката говорница, советниците на ВМРО-ДПМНЕ и коалицијата, по што ја напуштија денешната седница на битолскиот Совет, во знак на поддршка за притворените од настаните во Собранието на 27 април. Координаторот  Борче Димитровски, ваквиот потег го образложи од говорницата.

Горан Козаров е новиот директор на ЈП „Водовод“ во Битола, а Панде Богоевски на ЈП „Комуналец“.

Шест дена  регионалната ТВ Мега од Битола не зрачи програма,  а  последната вест на нејзината веб страница е од 11 декември. Засега нема официјално известување зошто телевизјата престана да зрачи програма, но новинарските екипи од вторникот не излгуваат на прес конференции и настани, а неофицијално,  вработените не одат ниту на работа. Не се знае зошто медиумуот по точно 3 години отако почна да емитува програма во регионот, сега го нема во етерот..

Централниот штаб на Иницијативата за реформи во ВМРО-ДПМНЕ, на денешната средба во Скопје , донесе став доколку претстојниот Конгрес на партијата на ВМРО-ДПМНЕ не настапи под предзнакот „обединувачки“ нема да земат учество на него.

Црквата која ќе ни помогне, да нѐ преизане ќе ни биде сестра, а не и мајка зашто нашата црква има корени од апостол Павле, рече преспанско-пелагонискиот владика Петар за барањето Бугарската православна црква да стане мајка црква на МПЦ.