Патот е блокиран, а на возачите кои сакаа да минат по обиколницата жителите им објаснуваа дека со денови се без струја и на овој начин протестираат поради тоа.

Отпад беше запален и пред точно еден месец на 22 март. Ваквите блокади во минатото беа многу чести, па се случуваше патот да не е во функција со денови. Пред година и половина беше поставен заштитен ѕид на обиколницата. Целта беше да се обезбеди поголема заштита за населението кое живее непосредно крај коловозот, но и да се спречи фрлање и палење на смет на сообраќајницата.