На 12 ноемеври, во сабота, со почеток во 18 часот во хотел „Милениум Палас“ во Битола ќе се одржи промоцијата на новото политичко движење Македонска Модерна. Основачите порачуваат дека ова движење настана како плод на ентузијазмот на неколкумина личности, кои своеглаво и храбро, се осмелија да кажат дека веќе е доста. Политичкото движење Македонска Модерна, претставува партнер на граѓаните, тоа произлегува од нив и постои за нив.

Говорници на промоцијата ќе бидат Васко Гичевски и Петар Атанасов.

„За нас е важно да се слушне гласот на народот, но уште поважно е да се дејствува во насока на разрешување на проблемите кои на сите нас ни надвиснати врз главите. Ќе проговориме за образованието и општеството, бидејќи образованието е најзначаен сегмент во градењето на едно општество. Како просветен работник секогаш сум се борел за доброто на учениците, за развој на воспитно- образовната дејност, за подобрување на положбата на просветните работници. Овие гледишта се длабоко вткаени во политичкото движење „Македонска Модерна““, вели Гичевски.

Визијата на новото политичко движење е засновано на тоа дека македонската држава мора да биде изградена врз здрави темели. Во нашето општество мора да надвладее разумот и квалитетот! Современата македонска држава, треба за цел да ја има благосостојбата на народот! Од друга страна, треба да се знае дека, општествените промени не се случуваат сами од себе. Народот е тој кој навистина управува со развојот, народот сам си ја кова својата судбина.

„Токму поради тоа, важен е ставот на сите вас кои сте дел од македонското општество. Важен ни е вашиот глас, вашиот став, вашите проблеми! Само заедно преку постојан дијалог можеме да ги донесеме најправилните решенија за најголемите проблеми. Ве очекувам сабота на 12 ноември заедно да проговориме и да дејствуваме за нашето подобро утре“, порачаа организаторите.

Битолскот вилает своевремено бил една од најголемите житници на територијата на Османлиската империја. Градот Битола как вилаетски центар, особено во втората половина на деветнаесететиот и првата деценија на дваесетиот век имал особен економски и индустриски подем. Се ова изнедрило услови во Битола да се отворат неколку млинови (мелници). Во 1890/91 година на територијата на Битолскиот санџак имало вкупно 14 фабрики. Најголемиот дел биле од прехрамбената индустрија и тоа 7 мелници во Битола со 20 валци. Најсовременениот млин, бил млинот „Драгор“ кој го изградил Исмаил бег некаде кон крајот на XIX век или според некои  автори во 1902 година. Млинот работел со машини на парен погон. Парната мелница на Исмаил бег во Битола имала капацитет од десет тони мелено брашно, работела со 6 валци. Интересно е што овој објект од почетокот, па сè до денес опстоил како млин.  Во текот на Првата светска војна бил оштетен, а потоа сопственикот го продал на други лица. Во меѓувоениот период овој објект сменил неколку сопственици. До 1934 год. бил во сопственост на “Београдска уједињена банка”, па потоа на “Хрватска банка” Загреб, за да ја откупи Таса Тасиќ, индустријалец од Лесковац. Тој ја проширил мелницата и ја опремил со нови машини. Пред Втората светска војна мелницата произведувала околу 3 000 000 кг. брашно, и вработувала 24-30 работници. Мелницата работела на моторен погон со 1 саугас мотор од 220 кс. По Втората светска војна овој млин станал дел од ЗИК Пелагонија како Жито Битола и ја продолжува својата дејност. Во последните 30 години минувајќи низ транзицијата на стопанството, претпијатието било во стечај и објектот повторно сменил неколку сопственици.

Денес објектот представува една руина, изгоре во пожар. Овој објект стар над 120 години, заедно со Магазата, Безистенот и уште неколку дуќани се последните стопански објекти кои потекнуваат од османлискиот период. Ние сепак како држава не направивме ништо за да го заштитиме. Жалосно е но сепак морам да констатирам дека ние како град со особено големо културно истоиско богатство, за жал немаме ниту еден историчар во Битолскиот музеј. Постојат низа на објекти, кои ни воопшто не се земени во предвид за обработка и заштита а камоли пак нивна конзервација и презервација. Битолскиот музеј впрочем е немоќен, а за скоро со заминување на постоечките кадри во пензија ќе има повеќе технички персонал одошто стручни кадри. Тоа пред се е вина на државата која воопшто не сака да вложи ни малку средства за заштитиа и афирмација на минатото. Со голема жал, морам кажам дека се срамам од државата во која што живеам, бивајќи осуден јас и многу мои колеги постојано да апелираме да укажуваме а сепак тоа никој да не го слуша. Јас како историчар, но и сите мои колеги буквално сме осудени да гледаме едно општество во распад, едно минато кое се ништи!

Васко Гичевски, историчар 

Денес во ООУ Славко Лумбарковски со хуманитарна акција беше одбележан 10 декември- Меѓународниот ден на човековите права. Акцијата се одвиваше под мотото „Од децата за децата“ при што беа поделени пакети со прехранбени продукти, на социјално ранливи семејства од општина Новаци. Хуманитарната акција е иницијатива на учениците кои истакнаа: „ Сите луѓе се еднакви и имаат еднакво право на среќа, нашата должност како ученици е барем малку да придонесеме кон локалната заедница“. Идејата беше наполно прифатена и со голема средечност реализирана од Марина Јовановска- психолог, Тамара Станческа дефектолог, Анета Соклевска – одделенски наставник, Васко Гичевски- наставник по граѓанско образование и Пецо Ројковски- педагог. Кон активноста со своите неуморни заложби придонесоа и директорт м-р Илче Соклевски и пом. директор. Татјана Талевска, како и целокупниот колегиум во училиштето.

Наставникот по граѓанско образование Васко Гичевски истакна: „Во нашето општество каде сиромаштијата е тукуречи секојдневие на огромен дел од нашиот народ, тогаш јас морам да го изразам своето задоволство од оваа ученичка акција. Тоа покажува дека ние веќе градиме зрели, хумани личности, едноставно кажано градиме луѓе кои се социјално одговорни индивидуи“. Акциите од ваков тип се важен показател дека во дел од нашите училишта покрај образовната се зајакнува и воспитната суштина, која за жал низ годините како да изостана од воспитно образовниот процес. Би се рекло дека овие акции се во принцип примена на знаењата, кои учениците ги стекнуваат низ школските предмети. Воедно со ова ООУ Славко Лубарковски ни ја покажува широката социјална улога која како училиште ја има во однос на локалната заедница и поставува светол пример по кој треба да се движат сите училишта“.

Оваа акција е финалната активност од проектот „Отворени денови на граѓанското образование “ каде основната идеја е да се зајакнат социјалните и животните компетенции на учениците. Во акцијата учествуваа учениците од VI до IX одделение, а истата беше изведена во соработка со Црвен крст Битола. 

"Труд и постојанство, тоа е силата, со помош на која човек станува највелик при секоја иницијатива" - Гоце Делчев

Страница 1 од 4

Login to your account

Username *
Password *
Remember Me
© 2021 АПЛА.мк. Сите права се задржани