АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Февруари 16, 2026
Пелистер се издига, а Пелагонија се спушта, ова според сеизмолозите е причина за земјотреси во Битолското епицентрално подрачје
Јануари 10, 2022Вчерашниот земјотрес е најсилен во последните 120 години во Битолскиот расед*, но сеизмолозите велат дека во ова епицентрално подрачје не се очекуваат посилни потреси. Претходно во 1994 земјотресот во Битола беше со магнитуда од 5,2, во 1958 земјотрес од 5,3 степени по Рихтер, 1922 година земјотрес со магнитуда од 5,1. Ова се податоците со кои располага Сеизмолошката опсерваторија во Скопје, а причина за земјотресите е издигнувањето на планината Пелистер и спуштањето на Пелагонија, вели во интервју за Сител Драгана Черних раководител на Сеизмолошката лабораторија во Скопје.
Не заминувајте од Битола, најбезбедното место за време на земјотрес е токму станот, апелира професорот Трајковски
Јануари 10, 2022„Во овие мигови во Битола се случува евакуација, односно вистински егзодус на населението. Стотици, можеби илјадници возила, во колони се упатуваат кон излезите од градот и бараат безбедно засолниште надвор од него. Цели семејства, заедно со децата, бараат спас во селата, викендиците или кај роднините подалеку од градот. Некои палат логорски огнови и ноќта ќе ја поминат во дружење и со топла ракија.
Чудно е тоа - илјадници луѓе, кои никогаш не читале геофизика или динамика на конструкции, истовремено доаѓаат на една иста, бескорисна идеја. Веројатно поттикнати само од стравот, емоциите, паниката и потсвеста, прават нешто само колку за да се каже дека прават. Би требало да знаат барем две работи.
Прво, најбезбедното место за време на земјотрес е токму станот, доколку живеат во градби изградени во времето на Југославија, според тогашните строги, асеизмички прописи. Никакво возење со лифт или трчање по скали, бидејќи тие се најранливите места во секој објект.
Второ, при главниот удар на земјотресот се ослободува главнината на енергијата. Сите последователни удари (афтершокови) ослободуваат сé помала и помала енергија, како што тектонските плочи наоѓаат нова положба на минимум потенцијална енергија, а раседот се смирува.
Тоа значи дека тоа што бидна - бидна. Сега е бесмислено бекството. Во следните денови ќе има серија афтершокови, коишто ќе можат единствено инструментално да се регистрираат, а единствено посилните ќе ги почуствуваме самите.
Би било добро доколку некој професор од ИЗЗИС излезе на телевизија и ги објасни овие работи, за да се избегне непотребниот метеж и малтретирање на населението“, напиша професорот Дејан Трајковски на неговиот фб профил.
Серија земјотреси ја тресат Битола
Јануари 09, 2022Силен земјотрес чиј епицентар е на граница со Грција се почувствува во Битола. Првиот од 5,5 степени беше во 22 и 43, а по него следеа уште дба потреси од 3,5 и 4,2 степњни. Граѓаните се испаничени, ги напуштаат домовите. Засега нема информации за евентуални штети
Европско медитеранскиот сеизмолошки центар-EMSC, кусо по објавените податоци за земјотресот во Македонија изврши корекција дека потресот во 22 часот и 38 минути бил со магнитуда од 4,5 степени по Рихтер..
Земјотрес со магнитуда од 3,8 степени вечерва во 22 часот и 38 минути е регистриран 13 километри југозападно од Гостивар, односно во Мавровскиот регион
Најчитани
