Испитниот центар за полагање за возачки дозволи во Битола и околните пелагониски општини ќе проработи, потврди министерот за внатрешни работи Панче Тошковски. Министерот најави дека се бара законско решение за да се реши проблемот со неквалитената услуга и недостатоците во работата на испитните центри, а како можно решение наведе јавно приватно партнерство.

Испитниот центар Авто мото испитен центар „Супер возач“ ДООЕЛ Битола престана да врши полагања за возачки дозволи на 12 август со период до 13 септември да ги реши неправилностите во работењето. Денеска е 16 септември и телефонот на правното лице се уште е исклучен, на што битолчани реагираат дека е крајно дрзок начин на однос на правното лице со граѓаните. Според медиумските наводи, зад „Супер возач“ стои функционер на ВМРО-ДПМНЕ и советник во Советот на Општина Кичево, Филип Митрески, преку фирмата „Стрит рајд“ којашто е сопственик.

Кога ќе проработи испитаниот центар во Битола не кажа точно дата ни министерот Тошковски, освен потврда на новинарското прашање.

 „Ќе проработи -да“, рече Тошковски во интервју за порталот „360 степени“, и го образложи проблемот.  

 „МВР му донесе забрана за работа во траење од 30 дена на правното лице (Авто мото испитен центар „Супер возач“ ДООЕЛ Битола), бидејќи неколку месеци од како ја добил лиценцата не ги испочитувал условите за работа кои требало да ги испочитува за да функционира овој испитен центар. Кадрите кои претходно работеле во испитниот центар, правното лице ги заменило со нови. Дел од стручните лица немале лекарски уверенија. Испитниот центар не водел соодветна евиденција на луѓето кои што полагале за возачка“, објасни министерот.    

Всушност при надзорот не е приложена комплетна документација за исполнување на условите во однос на потребниот стручен кадар, потребната документација за возилата кои треба да ги поседува „Супер возач“ за спроведување на практичниот дел од возачкиот испит и  накрај водењето на неуредна евиденција.

„Супер возач“ на 12 август,  ги извести граѓаните на својата веб страница, со само една реченица, дека прекинот во полагањето ќе трае до 13 септември.  Ова беше единствената комуникација на операторот со јавноста во изминатиот месец и се уште не одговара на повиците на медиумите.    

Претставници на автошколи од Битола со кои разговараше „Апла“ велат дека имаат само неофицијални информации дека правното лице ќе продолжи со работа, но немаат конкретно датум од кога ќе може да се закажуваат полагањата. Никој од „Супер возач“ не одговара на повиците на заинтересираните граѓани. Телефонот е исклучен.

„Веќе 6 месеци се надеваме дека конечно ќе заврши полагањето за возачки испит. За 2 месеци веќе истекува и лекарското уверение. Покрај финансискиот момент, направените трошоци се без краен резултат, посебно жална е вистината со која младите ја губат довербата во институциите кои функционираат кај нас. Не постои начин на кој може да им се објасни дека не е по нивна вина, не можат да го добијат она што им е законско право, за што платиле, научиле, но поради нејасни причини не можат да функционираат според нивните животни планови. Од друга страна, ова е дополнителен проблем за родителите: како родителот да го спречи детето да го земе возилото и да вози, кога истиот тој што може да го казни, не му дозволува да положи? Многу тешко, жално, скапо, но и демотивирачки за младите“, реагираат родители во изјава за „Апла“.

Министерот Тошковски вели дека можеби едно од решенијата на проблемите со испитните центри е да постои јавно приватно партнерство, каде ќе биде обезбедена квалитетна обука и квалитетно функционирање на целокупниот систем до добивање на возачка дозвола. За жал вели министерот, законско решение на проблемот се уште нема.

„Најголемиот проблем во овој случај е што имаме систем обратно поставен што не се грижи за квалитетот и знаењето кое што ќе го добијат граѓаните, не се грижи за она што треба да го добие државата... Јас досега немам чуено за ‘саглам’ решение кое што од една страна треба да го реши проблемот на граѓаните – да создадеме испитен центар врз основа на знаење, професионални карактеристики кои што ги имаат луѓето кои што полагаат, а од друга страна државата да оствари реален надоместок за услугата. Испитниот центар најверојатно треба да биде јавно приватно партнерство меѓу државата и правно лице кои треба да даде ‘дебела’ банкарска гаранција, доколку направи пропуст како што го направи претходната фирма (во Битола), притоа го отклони и повторно направи пропуст“, рече министерот Тошковски за „360“ степени и предупреди дека постапката за возачки испит мора да биде законска, а не да ги паѓаат кандидатите за возачка дозвола по пет пати за да добиваат надоместок испитните центри.   

Анета Блажевска

Градоначалникот на Битола, Тони Коњановски, вечерва присуствуваше на прославата на 30 години од воспоставувањето на дипломатски односи меѓу Соединетите Американски Држави и Македонија, која ја организираше Амбасадата на САД. Коњановски објави зеадничка фотографија со американската амбасадорка Ангела Агелер. На прославата присуствувале и  претседателката на државата, Гордана Сиљановска Давкова, премиерот Христијан Мицкоски, како и повеќе владини министри, градоначалници од ВМРО-ДПМНЕ и функционери.

Пожарот ја уништи внатрешноста на старата градска куќа во центарот на Битола кај Стара Болница. Огнот избувнал нешто пред 11 часот денеска и за брзо е локализиран од битолските пожарникари. Спречено е пламените јазици да се прошират на соседните куќи. противпожаната територијална единица од Битола интервенираше со две возила и 7 пожарникари. 

Општина Битола денеска ја замени спомен-плочата на споменикот на војводата Александар Турунџев, откако јавноста реагираше дека претходно не била напишана на македонска кирилица.

Новата табла е поставена експедитивно, а текстот  е напишан на македонски јазик и со македонска кирилица.

Од локалната самоуправа порачаа дека ваквите корекции се одраз на посветеноста кон зачувување на јазикот и националниот идентитет, како и должната почит кон хероите од македонската историја.

Споменикот на Александар Турунџев останува симбол на борбата за слобода и потсетник за хероите кои оставиле трага во македонската историја

БИТОЛА – Ветеранот на ВМРО-ДПМНЕ, демирхисарецот Сашо Дранго, синоќа славел роденден со иконографија со мечка, а многумина според деталите го протолкуваа како мајтап за истрагата што се води против него за реалната фотографија со отепаната мечка околу Нова година, објави .https://nezavisen.mk

Славеникот Дранго, роденденот го овековечил со фотографија со торта на која има илустрација од неговиот лик наспроти мечка, се облекол во маичка со апликација со мечка, што навидум личи на подбив за случајот кој го отворија истражните ограни за него, подбив за реакцијата на јавноста и одгласот на здруженијата за заштита на животните за реалната фотографија со отепаната мечка.

На фотографијата на Фејсбук, сега екс заменик-директорот на „Македонија пат“ Дранго е сликан паднат на колена, значи седи на подот на некоја кафеана, во едната рака ја држи тортата на која има украс како седи на маса со чаша вино в рака и наздравува со мечка. Маицата што ја носи е во бојата на кафеавата мечка,  но овој пат избрал јадра мечка, а не како таа на реалната фотографија за која е под истрага. Зад него е декорирано со балони што оддава на славеничка атмосфера.

Над објавената фотографија Дранго напишал: „Еве, со мечево пак се сретнавме, ми дојде на роденден“,  и ставил емотикон со намигнување, кој обично се користи кога некој се шегува или сака да испадне интересен.

Оваа роденденска фотографија Дранго ја ограничил само за свои пријатили што ги одбрал и не може јавно да ја види секој. Но, од фотографијата која ја доби „Независен“, се гледа дека од синоќа досега ветеранот на ВМРО-ДПМНЕ добил над 1.000 лајкови и над 600 коментари со честитки за роденденот.

Фејсбук пријател на Дранго му напишал среќен роденден со порака – „Сите желби реалност, ќе дојди и лаво, полека бате“.

Случајот предизвика бурни реакции во јавноста, оти Сашо Дранго тогаш беше заменик-директор на „Македонија пат“ и со партиска функција – претседател на Унија на ветерни на ВМРО-ДПМНЕ на Демир Хисар.

ОЈО Битола експресно отвори предмет и презеде дејствија за обезбедување докази. Дранго беше викнат во Обвинителството да даде исказ, а истражните органи со судска наредба влегоа и во неговиот дом во демирхисарското село Белче и извршија претрес. Јавно, ниту ОЈО Битола, ниту Дранго не кажаа што нашле во куќата кај тогашниот државен и партиски функционер. Особено за јавноста беше предмет на интерес дали евентуално полицијата ја најде пушката со снајперски нишан што Дранго ја држи во раката на спорната фотографија со мечката.

Од ОЈО Битола во јули последно потврдија дека за предметот на Дранго уште следат постапки што треба да се дополни истрагата.

„Постапката е во тек со дополнителни проверки за кои јавниот обвинител издаде соодветни наредби до СВР Битола“, одговори ОЈО за „Независен“ на 17 јули.

Денеска од ОЈО Битола за „Независен“ го соопштија само ова: „По насоки на јавниот обвинител постапува СВР Битола “

Од она што се знае досега е дека осомничениот ја направил оваа фотографија лани во декември. Тој тврдеше за медиумите дека не ја застрелал мечката, туку дека таа била жртва на сообраќајна несреќа, па тој и вработени во „Македонијапат“ само ја тргнале од коловозот на патот Битола-Ресен, по што тој се сликал со неа.

Меѓутоа СВР Битола го демантира и плус даде информација дека тој уште од 2018 останал без дозвола за поседување оружје. Од тука остана прашањето – чија била пушката со снајперски нишан.

Јавноста побара оставка од Дранго од втор човек на „Македонијапат“. Случајот доби и политичка димензија, па на крајот на јануари за случајот се огласи и премиерот Христијан Мицкоски, кажа дека не верува во неговата приказна за убиената мечка.

Но, Дранго не беше разрешен, тој за „Независен“ на СМС порака лично потврди дека само му завршил договорот во „Македонијапат“ .

„Не ме сменија, имав договор на шест месеци и ми заврши договорот“, изјави Дранго.

Спорната фотографија за Дранго со мечката ја обелодени Здружението за заштита на животните „Анима мунди“. Оттаму се децидни дека тој треба да одговара „кривично со најстрога казна земајќи го предвид неговото портфолио и тоа што беше функционер треба да послужи за пример“.

Сашо Дранго фејсбук фотографија 

Анета Блажевска

(корегирано во 15 и 37)