На 12 ноемеври, во сабота, со почеток во 18 часот во хотел „Милениум Палас“ во Битола ќе се одржи промоцијата на новото политичко движење Македонска Модерна. Основачите порачуваат дека ова движење настана како плод на ентузијазмот на неколкумина личности, кои своеглаво и храбро, се осмелија да кажат дека веќе е доста. Политичкото движење Македонска Модерна, претставува партнер на граѓаните, тоа произлегува од нив и постои за нив.

Говорници на промоцијата ќе бидат Васко Гичевски и Петар Атанасов.

„За нас е важно да се слушне гласот на народот, но уште поважно е да се дејствува во насока на разрешување на проблемите кои на сите нас ни надвиснати врз главите. Ќе проговориме за образованието и општеството, бидејќи образованието е најзначаен сегмент во градењето на едно општество. Како просветен работник секогаш сум се борел за доброто на учениците, за развој на воспитно- образовната дејност, за подобрување на положбата на просветните работници. Овие гледишта се длабоко вткаени во политичкото движење „Македонска Модерна““, вели Гичевски.

Визијата на новото политичко движење е засновано на тоа дека македонската држава мора да биде изградена врз здрави темели. Во нашето општество мора да надвладее разумот и квалитетот! Современата македонска држава, треба за цел да ја има благосостојбата на народот! Од друга страна, треба да се знае дека, општествените промени не се случуваат сами од себе. Народот е тој кој навистина управува со развојот, народот сам си ја кова својата судбина.

„Токму поради тоа, важен е ставот на сите вас кои сте дел од македонското општество. Важен ни е вашиот глас, вашиот став, вашите проблеми! Само заедно преку постојан дијалог можеме да ги донесеме најправилните решенија за најголемите проблеми. Ве очекувам сабота на 12 ноември заедно да проговориме и да дејствуваме за нашето подобро утре“, порачаа организаторите.

Поп-рок хорот „Битвокс“ беше дел од настанот со кој РЕК-Битола го одбележа јубилејниот 40. роденден. Марина Коруновска заедно со Александра Ристовска и Михајло Трајковски и членовите на поп-рок хорот „Битвокс“ ја затворија свечената церемонија со која беше одбележан 40. роденден на РЕК-Битола пеејќи го најпрво хитот од Каролина Гочева „Ајде да летаме“, а потоа и симболично отпејувајќи ги песните „Чудесен свет“, „Stand by me“ и „Aquarius/Let the sunshine“. Хористите беа облечени во црна, сина и зелена боја, со симболика за јагленот (црна), термоелектраните (сина) и обновливите извори на енергија (зелена).

На 4 ноември 1944 година, по четиригодишна окупација, македонските борци го ослободија градот Битола.

На 02.11.2022 во СВР Битола, 36-годишен маж од Битола пријавил дека во Битола бил физички нападнат од неговата сопруга К.С. со која бил во бракоразводна постапка и нејзиниот партнер В.Ц. Се преземаат мерки за расчистување на настанот.