Во организација на велосипедските клубови „Пелистер“ и „15Мај“, како и Велосипедската федерација на Македонија се организира Државно ридско првенство на 03.10 со старт во 12:00 часот пред Гранд Премиер во Битола. Трката со велосипеди ќе се вози до ски центар Нижополе во должина од 12 километри. Ќе учествуваат натпреварувачи од сите велосипедски клубови од земјава кои ќе се натпреваруваат во седум категории. Поради отежнато движење за време на натпреварот кој ќе трае 30 минути се замолуваат на разбирање другите учесници во сообраќајот.