АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Едно до најпрепознатливите фризерски студија во регионот „Студио Кики“ под водство на врвната фризерка Кристина Кики Серафимова подарува бесплатен курс за фризер за лице со попреченост. Со оваа хумана мисија која Кики ја покрена за време на јануарските празници кои имаат за цел да ја покажат и солидарноста и хуманоста меѓу луѓето, оваа битолчанка во својот занет сака да ги отвори вратите и за лицата со одреден вид на попреченост кои за жал, во нашата земја се ограничени во професиите.
“Доколку сте лице со попреченост не значи дека не можете да бидете фризер! Доколку познавате некој кој сака да го изучува фризерскиот занает, предложете му да нѐ посети. Верувам во својата мисија и дека заедно ќе успееме во потфатот! Нашите ученици и нивните блиски ќе ги направиме посреќни, чувствувајќи се дека и тие придонесуваат светот да биде поубав и дека нивниот ангажман и работа се подеднакво важни како и на другите“, вели Серафимова.
Заинтересираните да се јават во фризерско „Студио Кики“ на адреса Рузвелтова број 10 или на телефонски број 071 235-649
