„Слем позезијата е различна од онаа поезија на која сме навинати од школските клупи. Слемот е една изведба, искажан збор полн со емоции и порака, поезија за подигнување на свеста кај сите луѓе и се пренесуваат силни мотивирачки пораки. Ова е изведба на поезија со микрофон, сцена , публика, движење, глума, буквално како театарска претстава , со повеќе креативни моменти и поезијата како начин на изразување,“ рече Богдановска.

Во збирката објавени се дваесетина песни за теми и проблеми кои ги тиштат младите, како што се политички влијанија, непотизам, младите и дрогата и друго.

„Во овој проект младите поети имаат можност да се изразуваат, да читаат и рецитираат сопствени оригинални дела. Ние како институција и понатаму ќе ги поддржуваме младите поети, само така ќе се гради мостот на развој и континуитет на книжевните генерации“, рече директорот Бојан Стефановски.