Градоначалникот Тони Коњановски објави дека на седницата на која ќе се разгледува ребалансот на Буџетот на општина Битола, во исто време ќе биде доставена и иницијативата за награда на пожарникарите од ТППЕ Битола во висина од 15.000 денари за секој пожарникар поединечно. Имајќи предвид дека, за да може да се исплатат средствата истите мора да бидат предвидени во Буџетот, од формално – технички причини одлучив иницијативата да биде заедно со ребалансот на Буџетот, дополнително оставајќи и доволно простор за разгледување на 52 те точки кои се на дневен ред на денешната седница на Советот. Наградувањето на пожарникарите ќе биде завршено во предвидениот рок, откако Советот ќе ја изгласа иницијативата и ќе ги одобри планираните средства.