Главниот влез на ОУ „Стив Наумов“ Битола од денеска ќе биде затворен се до завршувањето на реконструкцијата на улицата „Стив Наумов“ во Битола, која почна утрово на тој потег. Учениците во училишниот двор ќе влегуваат од страната на улицата „Солунска“, позади здравствените амбуланти. 

Директорот на ОУ „Стив Наумов“ Никола Пискачев вели дека учениците се известени преку соопштение, ќе бидат инфомирани родителите,  а ќе биде објавено и на Фејсбук страната на училиштето.  

-Во задниот дел на дворот на ОУ „Стив Наумов“ отворени се вратите за влез на учениците, додека главниот влез во школото од страна на „ул. „Стив Наумов“ го затворивме и ќе биде така се до изведување на градежните активности, реконструкција на улица.  Со соопштени ќе бидат известени и децата и родителите во двете смени“, вели Пискачев за Апла.мк