На акумулацијата „Стрежево“, меѓу селата Лера и Свињиште од страна на рибочуварската служба на ЈП „Стрежево" - Битола се пронајдени и запленети рибарски мрежи, со големи окца, наменети за крупна риба со вкупна должина над 500 метри.

Притоа, констатирано е кривично дело согласно Кривичниот законик, a мрежите се подигнати за понатамошна постапка и кривично гонење на сторителите.

Мрежите, во координација со Државниот инспекторат за земјоделство, како строго забранети за риболов се подигнати заедно со уловот на риба.

ЈП „Стрежево" - Битола ги известува граѓаните дека во следниот период, особено пред и за време на претстојните празници, ќе продолжи да врши засилени контроли на акумулацијата „Стрежево“, во соработка со рекреативните риболовци, надлежните инспекциски служби и полицијата.

Борбата со рибокрадството продолжува!