АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
На Техничкиот факултет - Битола се одржа третиот Саем за вработување, практикантство и стипендии, што претставува платформа за продлабочување на соработката меѓу академската заедница и стопанството. Овој настан овозможи директна интеракција помеѓу реномирани компании од регионот и студентите – идни инженери, како и средношколците – идни студенти на Универзитетот „Св. Климент Охридски“ – Битола.
Над 25 компании ја презентираа својата дејност и истовремено понудија можности за практична работа, стипендии и потенцијално вработување. Студентите имаа можност непосредно да контактираат со претставниците на бизнис-заедницата, да ги споделат своите идеи и очекувања и да воспостават релации кои ќе бидат од значење за нивниот кариерен развој.
