Во текот на денешниот ден, пет објекти беа предмет на инспекциски надзор од страна на градежниот инспектор во Општина Битола.

При извршената контрола, валидна документација е утврдена само кај Ресторан „Шатор“, додека кај ресторанот „Шумски фенери“, надзорот не беше извршен, затоа што објектот е затворен веќе неколку дена.

Кај правниот субјект „ЅИУ ДООЕЛ увоз - извоз“ кој управува со повеќе објекти кај Градското шеталиште, утврдно е дека не поседува никаква валидна документација за поставените настрешници кои што функционираат како ресторан со угостителска дејност и летна дискотека. За овој субјект, утврдено е дека се чека одлука од Управен суд.

За ресторанот „Вила Виста“, документацијата се разгледува, затоа што дел од објектот е во постапка на легализација.

Кај Маркетот во АРМ „Кит-Го“ при извршениот увид на терен и разгледувањето на техничката документација утврдено е дека инвеститорот не се придржувал до истата. Изградбата ќе биде стопирана и ќе биде издаден соодветен налог.