АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
НП Пелистер го уредува со клупи просторот околу Големо Езеро. Денес вработените од ЈУНП Пелистер работат на уредување на просторот во близина на Големо Езеро и планинарскиот дом "Димитар Илиевски - Мурато" на 2218мнв. Потребниот материјал и технички средства беа транспортирани со помош на возила на НП Пелистер, а со уредување ќе се продолжи и утре. 
-Големо Езеро претставува едно од најубавите природни богатства на НП Пелистер и е одлична можност за сите љубители на природата и планината викендите да ги поминат во мирот и тишината на планината далеку од високите температури, велат од НП Пелистер. Напоменуват дека забраната за движење во шума сé уште е на сила и сите заинтересирани посетители треба да знаат дека е потребно да извадат дозвола за движење од седиштето на НП Пелистер, од Инфоцентарот или по електронски пат од FB или WEB страната. 
-Притоа не заборавајте дека единствено место за одлагање на вашиот отпад на планина е вашиот ранец.
Апелираме до сите планинари, секое несовесно однесување да го пријавите на еден од следните броеви:
070281300, 071235972, 075237267, 072312215
апелираат од паркот.
