АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Градоначалникот Тони Коњановски денеска на самиот почеток на новата учебна година го посети ОУ „Крсте Петков Мисирков“ во с. Бистрица по реакции во јавноста за состојбата на училиштето пред почетокот на учебната година. Коњановски објави дека оствари средба со родителите и директорката на училиштето.
- Училницата која во изминатиот период беше предмет на политички шпекулации е целосно санирана.
Родителите посочија уште две потреби:
1. промена на дограмата во училницата
2. набавка на клима уред.
Овие барања ќе бидат реализирани во најбрз можен рок, за учениците да учат во подобри и поквалитетни услови.
Во тек е и изработка на проект за енергетска фасада и дограма за целото училиште, а проектот за изградба на најмодерна спортска сала продолжува – за спортски, здрави и среќни генерации ученици.
Подобрувањето на образовната инфраструктура, останува наш врвен приоритет, објави Коњановски по посетата на училиштето во Бистрица .
