Битола - Погрешното паркирање на битолските политичари денеска е во фокусот на вниманието на битолската јавноста.

Порталот „Булевар“ објави фотографија на која се гледа советникот од независната листа „Поинаку“, Иван Чулаковски – Чулако, како зборува на телефон додека неговото лично возило е непрописно паркирано на една од најпрометните улици во центарот на градот.

„Очигледно, советникот имал неодложни обврски – во случајов, да го задоволи апетитот. За да не се мачи со барање на регуларен паркинг, тој го оставил своето возило буквално на тротоарот, на оддалеченост од едвај 50 сантиметри од местото каде што се служи храната, објави „Булевар“ не наведувајќи кога е направена фоотграфија, тука само посочува дека читател на „Булевар“ утрово им испратил фотографија која ја отсликува „сообраќајната култура“ на избраните народни претставници во Битола.

фото bulevar.mk

Неколку часа претходно Независната иницијатива „Поинаку“ објави фотографија  од исто така погрешно паркиран (црвен) автомобил за кој тврди дека е на секретарот на Општина Битола, Борче Димитровски.   

„Дали дури пие кафе во работно време му е дозволено колата да ја паркира на тротоар каде строго е забрането паркирање? Дали секретарот е заштитен од казни за неправилно паркирање?“, прашуваат меѓудругото од „Поинаку“.

 

 

фото Фб страна на Поинаку 

 

 

 

Точно пред две години Апла објави фотографии и од погрешното паркирање на Габриела Илиевска поранешна советничка од „Поинаку“, 

 

Тогашното возило на поранешната советничка Габриела Илиевска 

 

 

Тогаш Илиевска беше претседател на Советот на општина Битола и носител на јавна функција, па за празниците по Нова година, паркирала на самиот пешачки премин спроти Безистенот од долната страна на Јени Џамија. Илиевска автомобилот го имала оставен на самата зебра од пешачкиот, на што брзо реагирала сообраќајната полиција, по што била повикана и Пајак службата на  ЈП „Паркинзи“ Битола.

 

 

За време на последните локални избори и брендирано возило на кандидатот за градоначалник на „Поинаку“ Габриела Илиевска беше затекнато како е паркирано на пешачка патека.

 

Возилото брендирано од Поинаку 

 

 

Лани летото и градоначалникот на Битола Тони Коњановски направил сообраќаен прекршок паркирајќи се погрешно на улицата „Новачки пат“   во близина на ножниот клуб „Фелиција“. Коњановски објави дека си ја платил казната.

 

 

Возилото на градоначалникот Коњановски

 

 

А.Б