Сообраќајката кај "Ракометното" во Битола кога автомобил удрил во дрво, дознаваме неофицијално дека ја предизвикал битолчанец кој живеел во Скопје, познат стопанственик во градежниот сектор. Според полицијата  возачот од ударот се здобил со тешки телесни повреди и е во животозагрозувачка состојба. СВР официјално  известува - На 01.02.2026 во 04:28 часот во СВР Битола е пријавено дека на ул. „Партизанска" во Битола, патничко возило ,,мерцедес“ со бугарски регистарски ознаки, управувано од Б.К.(44) од Скопје, излетало од коловозот и удрило во дрво. Б.К. бил пренесен во Клиничка болница Битола, каде му биле констатирани тешки телесни повреди.  Увидот го извршила увидната екипа на СВР Битола., информира Сања Стаматова, портпарол на СВР Битола. Јп Комуналец е на терен да го санира проблемот со општетеното дрво. Текст Анета Блажевска  Обновено во 15 часот