АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Општинскиот комитет на ВМРО- ДПМНЕ од Битола на својот ФБ профил објави видео и текст во знак на поддршка на протестот кој денес се одржува во Скопје, со кој се бара слобода за уставобранителите, како што ги нарекоа осудените лица за настаните во Собранието од 27 април 2017
„Правдата не смее да биде слепа. И еден ден во затвор на неправедно осуден е тежок како година. Македонија не смее да ги заборави своите синови. Слобода за уставобранителите и поддршка на општонародниот протест!“ пишува на ФБ на ОК ВМРО-ДПМНЕ-Битола.
Од СДСМ одговорија дека ВМРО-ДПМНЕ денеска го покажа своето виситнско режимско и насилничко лице.
"Христијан Мицкоски и ВМРО-ДПМНЕ повторно застанаа зад насилството, зад осудените насилници. Луѓето кои вооружени, жедни за крв упаднаа насилно во Собранието на 27 април, кои пред камери се обидоа да убијат пратеници, денеска ВМРО-ДПМНЕ ги нарекува чесни луѓе и уставобранители. Денеска пратениците од ВМРО-ДПМНЕ наместо зад правдата, зад граѓаните, застанаа зад лица осудени за тероризам. Денеска и пратениците од Битола, Силвана Ангелевска и Олга Лозановска, заедно со нивниот шеф Христијан Мицкоски ги испорачуваат нарачаките кои стигнаа од Будмипешта - да бранат криминал и криминалци.Кога треба да се носат законите важни за граѓаните Ангелевска и Лозановска блокираат, кочат, го напуштаат Собранието, но први се кога треба да се брани криминал и насилство. Тоа е се што граѓаните на Битола гледаат од ВМРО-ДПМНЕ и нивните пратеници", рече Невена Димовска, портпарол на СДСМ-Битола.
