Во рамките на „Неделата на женското здравје”во Универзитетската библиотеката во Битола „Свети Климент Охридски“ се одржа предавање на тема „Раното откривање спасува животи“. Предавањето го одржа д-р Александар Димовски, специјалист по радиодијагностика вработен во Клиничката болница Битола. Доктор Димовски зборуваше за ракот на дојката, неговите причинители, симптоми, но најважно за превентивните мерки и скринингот, како што е мамографијата. Тој силно укажа на важноста од рано откривање на ракот на дојката за неговото лекување и поголеми шанси за преживување. 
Предавањето го организираа НУУБ „Св.Климент Охридски“ - Битола, „Сумнал„ - здружение за развој на ромската заедница и Ротари клуб „Широк Сокак“ - Битола.