Досега 20 лица побарале лекарска помош во Клиничката болница во Битола, повредени во сообраќајката која попладнево се случи на Кравaрски пат кај Терминалот на излезот од Битола. Директорката на Клиничка болница Битола, Билјана Гагачовска, соопшти дека меѓу нив има шестмина потешко повредени, но нема хоспитализирани. 

Според СВР , сообраќајната несреќа настанала околу 14,40 часот меѓу три возила автомобил, комбе со патници и паркиран влекач. 

Комбето превезуваlo работници од битолска фабрика кои од на работа се враќале дома. Голем дел од повредените се токму од работниците.