Запрашан дали ќе успеат да ја стопат разликата од 2700 гласови колку што СДСМ освои повеќе од ВМРО-ДПМНЕ на парламентарните избори, Димовски рече дека ангажманот што ќе го посветат на Битола ќе биде на повисоко ниво.  

-Свесни сме за таа загуба од 2700 гласови на парламентарните избори. ВМРО-ДПМНЕ го прими тоа како сигнал и порака од граѓаните на Битола дека во својата работа треба да обрне повеќе внимание на овој град и да истапи со комплетно ново креирани политики и тоа го напрвивме. Програмата на Илиоски го нуди тоа, а и ангажманот што ние како претставници од централата ќе го посветуваме на Битола ќе биде на поголемо ниво- рече Димовски.

На новинарско прашање дали со неговото доаѓање во Битола сакаше да го престигне СДСМ, па пред нивниот митинг да ги претстави кандидатите за градоначалник и носителот на листа од ВМРО-ДПМНЕ , Димовски рече дека тие се докажани луѓе и не треба специјално претставување.

-Зоран Илиоски во Битола е многу добро познат. Тој има огромно искуство и во делот на финкционирање на локална самоуправа, јавни претпријатија, среќа за него и за Битола што долго време беше на значајна позиција во Собранието, во највисоките политички органи на партијата, има одлучни контакти, не само со претставниците на претходната Влада, се познава и со пола од министрите на Социјалдемократскиот сојуз - рече Димовски.

За носителот на листата  Борче Димитровски и кандидатите за советници рече дека се професионалци и одговорни луѓе.