Битола е расадник на млади таленти, а тоа го потврди и нашиот Теодор Најденов, кој што со исклучителна игра стигна до полуфиналето и го освои третото место, а битолчанецот Златко Ицановски со освоениот сребрен медал го зазеде врвот во генерален пласман, со што следната година ќе игра со најдобрите во А дивизија бидејќи првите четворица  одат  во најквалитетното натпреварување.

А лигашите пак, кои се 16 фиксни играчи ги одмерија силите во Битола во тренинг центарот „Кај Петчи и Панчо“.

Сите четворица имаа забележителен настап и се наоѓаат во делот од табелата кој гарантира опстанок во лигата и со секој нареден успех се стремат кон освојување на Лигата. Димитар Симовски имаше една победа и два тесни порази, Илче Трајковски со петтото место го повтори успехот од првиот турнир, а додека пак Христо Василевски со освоеното трето место и бронзен медал навестува дека во иднина ќе биде сигурно во врвот,а најверојатно и најдобар.

Сите почести овојпат беа за најискусниот играч Тино Бојаџиев, кој што со сигурна и тактички добра игра, не дозволи изненадување на домашен терен и со 5 сигурни победи го освои првото место, златен медал и пехар кој го доделува Билјардската федерација.

Тино Бојаџиев

И овој турнир како и сите кои следат официјални лица се Битолчаните Горан Думевски Панчо делегат и Горан Петровски Сајкал Судија.