Иле Костадиновски е поставен од раководството на АД ЕСМ за нов в.д директор на РЕК Битола, најголемиот производител на електрична енергија во земјата. 

Костадиновски доаѓа на местото на досегашниот управител Пеце Матевски, а за него познато е дека е дипломиран правник, објави Фактор . 

АД ЕСМ за нов прв човек пред десетина дена го именуваше Лaзо Узунчев, поранешниот директор на синџирот маркети за бела техника „Нептун“.

Во состав на Управниот одбор на друштвото во државна сопственост, покрај Узунчев, истовремено беа именувани следните членови: Реџеп Асани заменик-генерален директор, како и членовите Ѓорѓи Ѓорѓиевски директор за правни и општи работи, Зоран Коњановски директор на производство, Виктор Јовановски директор за комерцијални работи, Иван Стојановски директор за финансиски работи и Владимир Пејоски директор на развој и инвестиции.