
АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Соопштение од ЈП „Паркинзи“ – Битола
Јавното претпријатие „Паркинзи“, ги известува сите корисници на нивните услуги, дека, во деновите 16 и 17.01 (четврток и петок) на улиците кои се наведени во продолжение ќе се врши чистење на снежната покривка од коловозната површина. Затоа, се известуваат граѓаните, на посочените датуми во попладневните часови да не ги паркираат возилата на следните улици (и паркинг зони кои гравитираат на овие улици):
∙ Улица АСНОМ од страната на Клиничката болница Битола (од влезот на болницата до влезот на Тинекс маркет).
∙ Булевар 1-ви Мај од железниот мост наспроти Основниот суд до Црн мост (во двата правци и од двете страни на коловозот).
∙ Околу Саат кулата почнувајки од Булевар 1ви Мај преку Петар Петровиќ Његош, Јорго Османо, 11ти Октомври се до Булевар 1ви Мај (од двете страни на коловозот).
∙ Од спојот на улица Столарска со Добривоје Радосављевиќ до улица Никола Тесла преку улица Димитар Илиевски Мурато, Пеце Матичевски преку улица Свети Кирил и Методиј до 11ти Октомври покрај црквата „Свети Димитриј“ до фонтаната кај Саат кулата (од двете страни на коловозот секаде каде има потреба).
Во интерес на непречено спроведување на активностите, се молат граѓаните, да ги почитуваат информациите, дадени во известувањето на ЈП „Паркинзи“.