Имав чест да бидам панелист на дискусијата „Брендирање на Работодавачот во дигиталната ера: Улогата на социјалните мрежи и вработените“, во организација на Кариера Days vol.2, каде заедно со одлични професионалци разговаравме за тоа што значи еден бренд на работодавачот денес – надвор од логото, маркетингот и хаштаговите.

И додека зборувавме за културата, искуствата, вредностите и човечката страна на брендот — во мене се отвори едно многу лично прашање:

 Како го подготвуваме нашето дете за работното место каде што ќе го понесе и ќе го гради својот личен бренд?

Зашто, факт е — секој од нас уште од мали нозе е свој личен бренд во најава. Секој збор што ќе го кажеме, секоја вредност на која ќе го научиме, секој однос што го негуваме — сè тоа го обликува начинот на кој нашето дете еден ден ќе се однесува во компанија: дали ќе биде одговорно, дали ќе знае да комуницира, дали ќе знае да постави граници, да соработува, да го искаже својот став.

Како HR професионалец, често си поставувам едно прашање: Дали би сакала моето дете да работи во оваа компанија?

А како родител — си поставувам и друго: Како го подготвувам моето дете да биде личност што ќе може да влезе во било која компанија и таму не само да се вклопи — туку и да придонесе за нејзиниот бренд, продолжувајќи да го гради својот?

Тоа не се учи на училиште. Се учи од дома.
Се учи преку разговори, преку пример, преку доверба и граници, преку тоа да го слушнеме гласот на детето — и да го охрабриме да зборува.

Тоа беше и една од главните мисли за основање на #КЛУБзаРодители— поддршка за сите нас што не сакаме да ги пуштиме децата во „светот на големите“ без вештини што таму навистина се бараат:

• комуникација
• самодоверба
• решавање конфликти
• соработка
• преземање иницијатива
• и една силна, стабилна внатрешна вредносна основа

Ако ова ти звучи интересно, приклучи се во #КЛУБзаРОДИТЕЛИ ова е она што те чека внатре:

• 15+ предавања, снимени и достапни веднаш
• Месечни теми со насоки и идеи за личен и родителски раст
• Работни листови, игри, карти, детски медитации, е-книги, постојано растечка библиотека
• Тимски коучинг сесии и вибер заедница
• Бонус: учество на партнерот, попусти, вклучување во иницијативата #родителиЗАродители.

Месец мај е роденднески месец, Клубот го слави својот прв роденден побрзај ќе има и подароци.

Се гледаме од другата страна?

Ана Салтирова Давидовски е автор, NLP тренер и coach, тренер за личен развој, искусен HR професионалец кој од 2005 година расте и твори во HR светот и активно работи на развивање и испорака на обуки за меки вештини. Исто така, ја покрена и Kампањата #ЛиченИЗБОР која има за цел свесна промена на фокусот на мислата за враќање на доброто расположение повторно во мода, во која креира материјали за личен развој, како и материјали за родители/деца (за поддршка на родителите во подготовка на децата за светот на големите, погледни го #КЛУБзаРОДИТЕЛИ и #NLPзаДЕЦА). Во склоп на оваа кампања е и интерактивната книга #Благодарам која во првата година се најде на листата на 20 најпродавани книги преку КупиКнига.мк, а третото издание е со фонтот на дислексија под мотото Секој може!, книгата „50+ идеи за #Благодарам“, исто така, свое место заземаат и: игрите и картите #Благодарам, играта и картите #КакоМОЖЕ, недатумираните планери, односно „Годишен планер ЗА…“ и „Годишен планер за Среќни родители“, кои се поддршка во развојот на посакуваните навики/вештини, како и други материјали (повеќе на www.AnaSaltirova.mk).