Вечерва почнува празнувањето за летна Света Петка. Еден од најубавите манастири посветени на Света Петка е оној во село Цапари, битолско. Оддалечен е на еден километар од селото, а се верува дека таму имало и манастир од 16 век. Подоцна тој изгорел, па бил обновен со пари од верниците. Денешниот храм изобилува со убавина и спокој. Опколен со густа шума, претставува природна ладовина полна чист воздух за бегство од жештината во овие летни денови, но и од градскиот загаден воздух.