АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Конечно се постави ограда на дворот на ООУ „Гоце Делчев“ во Битола кој години наназад беше користен за паркинг. Возилата беа оставани пред училишните влезови, кај спортските терени и дворот беше небезбеден за учениците.
-Драги ученици, родители и сограѓани, со желба да обезбедиме поголема безбедност и мир во училишниот двор, поставивме метална порта и го оградивме училишниот двор.
Оваа промена е направена со мисла - децата да имаат сигурно место за игра, рекреација и одмор.
Сите оние кои досега го користеа дворот за паркирање, искрено ги молиме за разбирање и поддршка.
Ве уверуваме дека оваа одлука е донесена во најдобар интерес на учениците и нивната безбедност, исто така напоменуваме дека оваа постапка е во согласност со имотно правните односи на училиштето.
Да покажеме дека сите заедно — наставници, родители и соседи — се грижиме за детството и за вредностите што ги споделуваме.
Дворот е за децата — нека остане нивен простор на радост и раст!
Ви благодариме на разбирањето, објавија од ОУ „Гоце Делчев“ Битола.
