„Желби“ беше насловена поетската манифестација на ученички од осмо одделение, членови на литературната секција од ОУ„ Гоце Делчев“ –Битола кои денеска  читаа проза и поеза, приклучувајќи се на одбележувањето на 8 декември „Св.Климент Охридски“. Поетското  читање се реализира под менторство на Александар Адамовски , наставник по македонски јазик во ОУ„ Гоце Делчев“- Битола.

Младите творци рецитираа во придружба на звуците од виолината на ученичката од седмо одделение Теодора Блажевска.

-Денешната активност ја насловивме Поетска манифестација „Желби“, слободна ученичка активност со цел да дојде до израз нивниот  талент  и имагинација. Ученичките во литературната секција се членки од шесто одделение  и континуирано творат, пишуваат поетски творби, денеска се претставија  со проза и со поезија. Ученичките се многу креативни  имаат и речник и јазик и стил, рече наставникот Адамовски.

А.Б