АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
На Пелистер ќе се пробива велосипедска и пешачка патека од Цапарска Пресека до село Цапари, информира Националниот парк Пелистер. - Во текот на изминатиот викенд во соработка со Extreme Bike Team Bitola работевме на извидување на терен со цел обновување, пробивање и GPS маркирање на велосипедска и пешачка патека која ќе води од Цапарска пресека низ кањонот на Цапарска река, па се до с.Цапари. Станува збор за патека која е клучна за развој на велосипедски систем на патеки и поврзување на с.Цапари и с.Ротино со НП Пелистер. На овој начин овие населени места ќе бидат дел од идна туристичка понуда на регионот, велат од НП Пелистер. 
После уредувањето на излетничките места Цапарски вир и Ротинско езеро следи нивно поврзување со пешачка и велосипедски патеки кои би почнувале од Инфоцентар - Цапарска пресека - Цапарска река - Цапарски вир - Ротинско езеро - Голема - Мала ливада - Инфоцентар. 
