Проф. д-р Елизабета Тошева, редовен професор од Правниот факултет – Кичево, е нов претседател на Сенатот на Универзитетот „Св. Климент Охридски“ – Битола.

Постапката за избор на претседател на Сенатот ја спроведе Изборна комисија, со тајно гласање, на 240. седница на Универзитетскиот сенат.

 

Претседателот на Сенатот е одговорен за законитоста и статутарноста во работењето на Сенатот. Вршењето на должноста претседател на Сенатот е неспоива со вршење на друга државна функција или функција во политичка партија. Мандатот на претседателот на Универзитетскиот сенат е една година.

 

Заблагодарувајќи се за поддршка, претседателката на Универзитетскиот сенат, професорката Елизабета Тошева, ја истакна определбата за континуиран придонес во успешното зајакнување на улогата на УКЛО, координирана работа со сите академски чинители, имајќи ја во предвид мисијата за квалитетно образование и постигнување на целите на Универзитетот „Св.Климент Охридски“ – Битола.