Младиот и талентиран мотокросист Стефан Ѓорѓиевски од Битола ја заокружи 2025 година со уште еден голем успех, освојувајќи ја титулата шампион на Македонија во мотокрос, во MX 85 класата. Со извонредни настапи, сигурно возење и постојана форма во текот на сезоната, Стефан уште еднаш потврди дека е меѓу најперспективните млади спортисти во земјава.

Ѓорѓиевски е ученик во ООУ „Тодор Ангелевски“ – Битола, VIII-2 одделение, и успешно ги усогласува училишните обврски со спортската кариера. Неговата посветеност, дисциплина и љубов кон мотокросот резултираа со низа победи и подиуми, со што го заслужи признанието шампион и гордост на Битола и Македонија. 

Успехот на Стефан Ѓорѓиевски претставува мотив и инспирација за многу млади спортисти, а неговата иднина во мотокросот ветува уште поголеми достигнувања  

И покрај големите успеси, Стефан Ѓорѓиевски досега настапува без спонзорска поддршка и својата спортска кариера ја гради со сопствени средства, при што во иднина се надева на соодветна поддршка која би придонела за негов понатамошен развој