АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Вчера вечер повредено е четиригодишно девојче во населбата Баир во Битола по каснување од куче. Девојчето има повреди на лицето и телото и е пренесено во Битолската болница.
Кучето е итно заловено и станува збор за мешавина од Кангал. Според „Хачико“ прифатилиште за кучиња во Битола кучето е напуштено сопственичко куче и е заловено во стар напуштен објект во близина на домот на девојчето.
За повреденото девојчето на Фејсбук се огласи вујкото Сафет Бајрамов кој јавно побара помош од шинтерската служба да го залови кучето.
„Денес во дворот влезе куче скитник и ми го нападна четиригодишното внуче“, објави Бајрамов.
Од „Хачико“ информираат дека заловено е напуштено сопственичко куче за кое сопственикот не е познат и кучето е под ветеринарен надзор, а информирани се и надлежните институции.
„По добиена пријава за каснување, шинтерската служба веднаш излезе на терен и кучето е успешно заловено во напуштен објект во близина на местото на настанот.
Станува збор за куче – мешавина од Кангал, односно напуштено сопственичко куче за кое сопственикот не е познат.
Кучето е транспортирано во прифатилиште, каде ќе биде ставено под ветеринарен надзор и опсервација согласно предвидените процедури.
Случајот е пријавен во АХВ и МВР, а надлежните институции ќе постапуваат согласно законските надлежности, соопштија од „Хачико“
На почетокот на февруари исто така во населбата Баир во Битола, двегодишно девојче беше каснато од куче во близина на семјната куќа.
А.Б
