Europe House Битола, на 12.3.2026, организираше неформален разговор помеѓу млади и локалните новинарки, Соња Тантарова Груеска и Анета Блажевска, на теми поврзани со медиумска писменост.

Наративот во медиумите влијае врз оформувањето на човековата реалност. Затоа сме тука за младите, да бидеме дел од создавање на нивен објективен свет, заснован на критичка мисла. Оттука важноста на ваквиот разговор.

Младите, поттикнати од излагањата и прашањата на новинарките, споделуваа свои ставови и перспективи во однос на медиумите, моќта на насловите и целта на текстовите. Преку дискусија, осознаваа нови гледишта за тоа како се создаваат приказните во медиумите.

Настанот покажа дека медиумската писменост е неопходна вештина за одговорно учество во општеството. Преку отворен разговор, меѓу стручноста и професионалноста  на новинарките и љубитноста и ентузијазмот младите, се споија два света што функционираат во еден.

Ваквите средби ја потврдуваат важноста младите да учат како да препознаваат проверени извори, да поставуваат прашања и да градат сопствено мислење. Младите со критчка мисла се основата на едно квалитетно и одговорно општество.

Благодарност до НУ „Завод и Музеј“ - Битола