АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Распишан е тендерот за изведувач на новата градинка што ќе се гради во населбата „Златен Рид“ во поранешната касарна во Битола. Тендерот е објавен на веб сајтот на Министерството за финансии, Биро за јавни набавки и во него стои дека изведувањето на работите ќе чинат над 26.7 милиони денари.
Во тек е јавната набавка за изградба на нова детска градинка во Битола, во населбата АРМ (поранешна Касарна). Јавната набавка се однесува на изградба на целосната конструкција на објектот со поставена дограма. Објектот е предвиден да зафаќа бруто површина од 2012 метри квадратни и ќе биде наменет за прием на околу 250 деца. По изборот на изведувачот, ќе бидат определени и фазите на работа на овој објект.
Исто така, во тек се јавните набавки за изработка на проектна документација за доградбата на детската градинска Снегулка и за адаптација на дел од поранешниот Мајчин дом во градинка.
Со изградбата на новата детска градинка, како и со адаптацијата на другите два објекти, во голема мерка ќе биде намален бројот на деца кои се наоѓаат на листата на чекање за прием во градинките во Битола, информираат од Општината.
