„Почитувани сограѓани,

Веќе недела дена, полициските служби од полициската станица- Ресен, специјални полициски единици , дирекцијата за спасување , екипи на пожарникарните и ренџерските служби и локалното население активно учествуваат во потрагата на лицето Ислам Лумани од село Крани.

Се до овој момент, нема големи индиции и докази дека лицето се наоѓа во водите на Преспанското Езеро или неговото крајбрежје.

Истрагата продолжува понатаму, а секој оној што го видел или некаде го препознал Ислам Лумани, да пријави во најблиската полициска станица или на бројот 192, напиша градоначалникот Гошревски.

Претходно семејството и пријателите на Лумани побраа помош од граѓаните и информираа како тој бил облечен кога последен пат го напуштил домот.

„Во недела (21.03.2021) во 10 часот наутро е виден за последен пат Ислам Лумани, тој имаше облечено сини пантолони, црно палто и црни чевли. Се знае дека тој е тргнат да оди кон плажата во с. Крани, но постои можност да тој е отиден во сеуште непознат правец. Денеска е четврти ден без него. Браќа и сестри, помогнете да го најдеме нашиот брат жив и здрав. Секоја информација од ваша страна може да ги смири нашите срц“, напишаа најблиските и оставија телефенои за контакт .

+389 70743937

+389 71841758

+389 75848084

Полицијата на 23 март информираше дека на 21 март во 20,55 часот во полициската станица во Ресен А.Љ. пријавил дека истиот ден во непознат правец се оддалечил неговиот братучед И.Љ.(27) од с.Крани и се превземаат мерки за пронаоѓање на лицето, соопштија од СВР Битола