Течат работите за изведба на коловозот на втората делница од ул. „Димитар Илиевски Мурато“, на потегот од семафорите кај Гроздот, до раскрсницата со Широк Сокак.

Екипите на терен ја отстранија  старата асфалтна површина, по што се поставуваат ивичници, па ќе следува асфалтирање и поставување на ново улично осветлување.

Претходно, на оваа улица, во првата и втората делница, екипите на ЈКП „Водовод“ целосно извршија санација на водоводната мрежа со промена на старите приклучоци. По интервенцијата во водоводната мрежа, се асфалтираше првата делница од улицата „Димитар Илиевски Мурато“.

 

 

Вредноста на овие зафати со средства на Општина Битола е околу 12.000.000 денари.

На првиот потег, од раскрсницата на ул. „4 Ноември“ до Гроздот, веќе се поставува ново улично осветлување и се врши комплетно хортикултурно уредување на тревната површина и поставување на клупи, од страна на екипите на ЈП „Комуналец“.