„Во следните три месеци ни престои исклучително тешка битка во која треба да ѝ се спротивствиме на двата големи политички блока, ама наша обврска ќе биде да понудиме алтернатива. Не само на тие блокови, туку на едно радикално, според мене, речиси фашистичко движење, кое со гол популизам, со празни и многу опасни тези се посериозно се наметнува во политичкиот простор, особено кај младите луѓе. За да се спротивствиме ќе ни треба храброст, и знаење, и идеи, и решенија“ рече Валентин Груевски од ЛДП на промоцијата на новото граѓанско движење на центарот при промоцијата во Битола.

„Многу е полесно да ги помините изборите под чадорот на некој поголем брат, но храброст е да излезите од него и понудите, во дослух со сите граѓани, решенија и визија. Едно од најчестите поставувани прашања во оваа кампања ќе биде дали со вашиот настап сакате да му помогнете на ВМРО-ДПМНЕ да се врати на власт? Нашиот одговор е големо не, на оваа кампања ќе си помогнеме самите себе, на нашите граѓани, ќе им помогнеме на Битола“, рече Груевски.