Генералниот директор на АД ЕСМ, Васко Ковачевски,  изјави дека  АД ЕСМ планира да вложи напори да се прошири дејноста и обемот на работа на фирмата-ќерка ФОД-Фабрика за опрема и делови-Новаци, формирана со намена да ги задоволува потребите на РЕК Битола. 

АД ЕСМ симболично ги раздвои елементите во своето корпоративно лого во насока на подигање на јавната свест за потребата од социјална дистанца во услови на пандемија. Пораката на логото е ,,Да се држиме заедно, но да одржувамe дистанца”.

АД ЕСМ секојдневно ги охрабрува своите вработени да ги почитуваат сите препораки на надлежните органи, со цел што побрзо да ја надминеме кризата и предизвикот со кој сме соочени.

Државните електрани заедно со РЕК Битола, ФОД и синдикалните организации од овие компании, со екипа од 50  опремени и обучени лица, на повик на Општина Битола денеска започнаа со дезинфекција во сите влезови на станбените единици во Нова Битола.

АД Електрани на Северна Македонија на посебна седница на Управниот одбор донесе одлука да донира 3.000.000 денари помош за настраданите во земјотресот во Албанија од 26.11.2019г. Средствата ќе бидат уплатени на наменската сметка за помош која е отворена од Црвениот крст во нашата земја, по повод овој трагичен настан.

Исто така, генералниот директор на АД ЕСМ, м-р Васко Ковачевски упати писмо до генералниот директор на државната електро-енергетска компанија на Албанија, КЕШ, Бенет Беци, во кое изрази длабоко сочуство за загубените животи и за трагедијата која ја погоди земјата. Како деловни партнери од две пријателски држави, Ковачевски понуди секаква помош која е потребна и која АД Електрани на Северна Македонија може да ја пружи во овие тешки моменти за да им се излезе во пресрет на граѓаните од загрозените подрачја.