Со новиот ексклузивен стендап, најпопуларното стендап дуо Тино и Атанас доаѓаат во Битола. Станува збор за нивната најнова стендап комедија со која постојано ги полнат салите низ Македонија – и тоа по неколку пати! Овој настап во Битола ќе се случи на 23 Март (четврток) со почеток од 20 часот.

На 15 март 1975 година започна изградбата на Центарот за култура во Битола.

Во престојните два викенда ќе се одржат турбо културно инјектирање од страна на Центарот за култура во Битоа. Во негова организација за овој викенд, на 24 и 25 февруари планирани се два концерта насловени како „Засекогаш во срцата“, а посеветни на Тоше Проески, за кого ова ќе биде петти јубилеен концерт и на Пепи Бафтировски. Концерите се со почеток од 20 часот. Настапуваат пејачите Бојан Маровиќ од Србија, од македонските музичари Викторија Ловба, Ламбе Алабаковски, Димитар Андоновски, Александра Јанева, Бојан Стојков, Сефедин Бајрамов, Сара Гигова, Марија Митровска и Марија Цветановска во придружба на Камерниот опркестар од Битола, а диригент ќе биде Владимир Димовски.

Следниот викенд на 3.03.2023 година на програмата на Центарот за култура е музичко-поетска вечер „Наша вечер“ со познатиот српски актер Иван Босиљчиќ, сопруг на пејачката Јелена Томашевиќ, познат по неговите улоги во филмовите работени по делата на Мир-Јам. Пред битолската публика ќе се престави со поезија и песна, а со него доаѓа и неговиот бенд. Концертот е подготвен со сопствени средства на Центарот за култура, а билетите се веќе во продажба.

„Мило ми е што програмата на Центарот за култура не е примамлива само за битолската публика, туку имаме гости и од цела држава. Мојот фокус на културната понуда се однесува на тоа да дадема простор што повеќе на македонските уметници , а особено на битолските , па и поголемиот број изведувачи кои ќе настапат на концертот „Засекогаш во срцата“ се битолачни, а некои и млади имиња за кои македонската музичка сцена допрва ќе слуша, а веќе се и ученици во Средното музичко училиште каде што започнал и Тоше Проески“, рече директорката на Центарот Маја Андоновска-Илијевски.

Таа се осврна и на програмата што годинава е поддржана од Министерството за култура, истакнувајќи дека покрај скратениот буџет ресорното министерство им дало добра основа со која можат да работат на креирање сериозна културна понуда за публиката.

Од Министерство за култура за Фестивал на монорама кој годинава ќе се случува од 12 до 20 мај одобрени им се половина милион денари. Селекцијата е веќе направена и се најавува интересна програма. За 9.Детска работилница 70 000 денари, 48 Државана иложба 50 000 денари, Фузија или преземање на изложба од Центраот во Струга 15 000 денари, Монографски каталог по повод 40 години творештво на Дрган Најденовски и ретроспективна изложба 150 000 денари, Сонувајќи ја природата- изложба на Стефан Малбашиќ 45 000 денари, Иложба на Мочи и фотографот Нашоку 100 000 денари.

За објавување на конкурс на македонски монодрами 55 000 денари.

„Сакам да го обновам она што во минатото се случувало и да ги поттикниме македонските автори да создаваат монодрами како жанр. Со овие пари ќе го распишеме конкурсот, а следната година се надевам дека ќе зборуваме и за печатено издание на најдобрите монодрами кои ќе пристигнат“, рече Андоновска- Илијевски.

Во однос на музичката дејност за концертот „Засекогаш во срцата“ добија буџет од 100 000 денари, Новогодишен концерт со Камерниот оркестар 300 000 денари, концерт Џез вес 100 000 денари, Интимна вечер со Крсте Роџевски 150 000 денари, Концерт на филмска муизика со Дувачки оркестар 150 000 денари, 15 издание на Музика од светот 1 000 000 денари.

Во филколрана дејност Фестивалот Илинденски денови 2,2 милиони денари, издавање на носач на звук на кларинетистот Стојан Трајковски 100 000 денари, Семинарот на традиционална музика и песна 150 000 денари и Симфонија концерт на Благојче Трајковски 200 000 денари.

Вкупно од сите проекти 5 470 000 денари.

Од инвестициските проекти добија средства за изолација на клима комори 205 320 денари и клима уреди во Мала сала 200 000 денари.

Шведскиот филм „Надеж“ на режисерката Марија Содал, со легендарниот Стелан Скарсгард и норвешката актерка Андреа Браин Ховиг, од денеска се прикажува во Центарот за култура Битола (мала сала). Филмот ќе биде на репертоарот денеска, утре и задутре од 20 часот.

Министерството за култура со околу 4,3 милиони денари ќе ги поддржи годинешните проекти на Центарот за култура од Битола, што според директорката Маја Андоновска- Илијевски е најмногу во последните четири години и е солидна основа за содавање на квалитетна програма.

Најмногу средства се доделени за 52 Републички фестивал „Илинденски денови“ дури 2,2 милиони денари, потоа за 14 Фестивал на музика од светот 850 000 денари, за Фестивалот на монодрама 600 000 денари и уште многу други прокети. Меѓу нив и балетот „„Госпоѓиците на Авињон“ на Македонска опрема и балет, концерт на Симфонискиот оркестар на НУ Филхармонија на РСМ и други настани.

„Буџетот оваа година е многу солиден и со него имаме добра основа за работа во годината што следува. Фестивалите конечно добија бџует што е добра основа за кавлитетот за кој ние четири години се бориме“, рече директорката.