„Таа е една од најдекоративните симболички рачно изрезбано уметнички и канонски певници, ергономски изработена. Нејзината улога канонски ѝ припаѓа на наосот во црквата пред олтарот. Се работи за голема певница, која се состои од челен, два странични и еден заден дел. Челниот дел е украсен со декоративни орнаменти во рамките од трите икони со живописна флора и фауна. Тука се зографисани трите икони на светите Богородица со Исус Христос, Климент и Наум, патронот на црквата. Над иконите има длабока резба, во центарот е изрезбарено и шеснаесетзрачното сонце, а од страните се орнаменти на богатството желади“, велат копаничарите.

Над челниот дел, на врвот поставена е ажурно резбана плоча со позлатен крст во центарот, а од страните изобилни резби со растително цветни мотиви.

Странично певницата содржи по една зографисана икона на певци светци во резбани рамки со винова лоза. Од едната страна е Св. Јован Кукузел, а од другата Св. Роман Мелод. Задниот дел е отворен и содржи полици за книги. Ова е уште едно од врвните копаничарки дела на семејството Крстевски.