Битолчани и во овие услови на пандемија дел од своето слободно време го искористија дружејќи се со книгите од Градската библиотека. Иако ланската година неколку месеци Библиотека не работеше, битолчани тоа го надоместија со зголемување на бројот на нови читатели и со изнајмување на книги во двата оддели. Само ланската година од Библиотеката  беа изнајмени над 30 000 книги од сите жанрови. Читателите од секоја категорија се дружеа со жанрот кој нив најмногу им одговара, а установата се потруди да ги исполни барањата и на  најпребирливите.

„Секоја посета на нашата библиотека не останува незабележана, па затоа НУУБ „Св. Климент Охридски“ – Битола и оваа година ги наградува најредовните читатели. Секој читател е посебен за нас. Нивната желба за читање на книги од нашата библиотека ние решивме на симболичен начин да ја наградиме“, велат од Градската библиотека. 

                Добитниците на наградите се поделени во неколку категории и тоа:

• Читател на годината со најмногу изнајмени книги во 2020 година е Жанета Тошеска;
• Најмлад читател со најмногу изнајмени книги е Никола Ицоски;
• Категорија - основно образование, добитник е Марија Јоновска;
• Категорија – средно образование, добитник е Ивона Бејковска.

• Категорија – возрасни, добитници се:
• Розитка Тодоровска;
• Слободанка Ристевска;
• Споменка Илиевска;
• Сане Момчилов;
• Славица Тромбева;
• Белинда Сипкоска Гаштарова.

Од најмалите читатели па се до највозрасните, во сите категории, најредовните читатели ќе бидат наградени денес,петок, во 11:00 часот во просториите на Библиотекатa.