Во првото тромесечие од 2021 година  СВР Битола издала вкупно  4628 налози за непочитување  на мерката носење лична заштита, односно маска, по член 28, став 6 од Законот за  заштита на населението од заразни болести . Исто така во првото тромесечие од  2021 година биле извршени 4062 самостојни контроли и констатирана била една нерегуларност  и 1165 контроли во содејство со Државниот пазарен  инспекторат на угостителски и други деловни објекти и констатирани биле 4 нерегуларности. 

За наведениот период вкупниот број на  извршени кривични дела  бележи намалување за 3,7 проценти. Вкупниот број на поднесители на кривични пријави бележи зголемување за 5,2 проценти, бројот на откриени сторителие е зголемен за 10,9 проценти, а ефикасноста бележи исто така зголемување за 20 проценти. 

Најголем број од кривичните дела  се од областа на класичниот криминал 599, економски 52,  и недозволена трговија 27. 

Од областа на нарушување на јавниот ред и мир констатирани се 145 прекршоци и поднесени 149 барања за поведување на прекршочна постпка. 

Во намалување е бројот на сообраќајни незгоди  за 8,5 проценти  во споредба со истиот период  од претходната година. Мерките преземени од страна на сообраќајната полиција  се во зголемување, констатирани се 6136  прекрошци, а поднесени се 2488 барања за поведување  на прекршичкна постапка  од областа на сообраќајот.