Битола е збогатена со нови уредени катчиња со тревни површини и цветни леи. Екипите на ЈП „Комуналец“ деновиве садат цвеќиња и на тревниците пред зградите кај РЕМО,  а со цветни леи и нови клупи оплеменет е и просторот пред Центарот за култура. Градскиот парк, исто така, изобилува со цвеќиња во различни бои , а пријатни за око се и тревниците кај Гроздот кои беа со засушена трева, а сега се уредени со зелени тревници, цвеќиња и други декорации.