Апла.мк не успеа да дознае од каква манифестација беше дел ваквата преобразба на плоштадот каде се наоѓа коњаникот. Но, на фотографијата има и гитара што укажува дека декорот бил дел од нечиј настап.

Граѓаните со различни реакции за настанот. Едни прашуваат дали кој сака и што сака може да поставува во центарот на градот. Други коментираат дека икони не може да се ставаат до споменици кои симболизираат лица многубошци, а трети дека и Филип Втори и верата се дел од македонската самобит.

Споменикот беше подигнат пред седум години од страна на претходната локална власт на Битола. Филип Втори на животи видел многу битки, а неговиот споменик многу бои и намени. Откако е поставен, сведок е на бројни протести и партиски митинзи. Тие му се најчести во агендата. Има само седум години, а доживеа бурна историја. „Шарените“ го боеа, други го чистеа, поранешните градските власти едно време  го претворија во лампион да го заштитат од атмосферските влијанија, сега  служи како збирно место за протестите поврзани со зачувување на јазикот и името. Едни му испишаа недолични цртежи  и зборови, а други му прикачија знаме да ги води. Коњаникот во срцето на градот е уште еден доказ за поделеноста на народот. 

ЗАБРАНЕТО Е ПРЕЗЕМАЊЕ НА ТЕКСТОВИ И ФОТОГРФИИ БЕЗ ДА СЕ ПРЕНЕСЕ ИЗВОРОТ!